جارەكە دن من حەش تە كر
قاسم لەوەندی
پشتی من توو هێلای جارەكا دن من حەش تە كر
جارەكە دن من دلێ خوە ژ تەرە ڤەكر
چاڤێ خوە گۆری نێرینا بەژن و بالا تە كر
نیڤی ژ عەمرێ خوە من لسەر عەمرێ تە كر
من توو هێلابووی
من توو ژ ژیانا خوە هەمویێ دەرانی بووی
بەلێ ب نێرینەكێ ژ چاڤێن تە دیسا من حەش تە كر
پشتی هێلانە تە من سووند خواربوو حەش چ كەچكا نەكەم
بریارەكێ دگەل یەكێ نەدەم
خەوە شیرین ل خوە خەرە نەكەم
خوە ژ نەخۆشیا دوور بكەم
من نەدزانی جارەكا دن دێ حەش تە كەم
راستە دبێژن یێ ل نیڤێ رێ ڤەگەریا نەی پۆشمانە
ها ئەز ئێك ژ وانم و دیسا دێ حەش تە كەم
هەر شەڤ من گازی دلێ خوە یێ رەبەن دكر
من دگۆت مالخراب تە چ ب سەرێ من كر
تە هەڤالا من ژ من دوور كر
تە ژیانا من نە خۆش كر
عەمرێ مای پوچ و ئەرزان كر
بەلێ دیسا من حەش تە كر
من دگۆت حەشێكرن نەب نێرینا چاڤایە
حەشێكرنا من و تە نەب دەم و گاڤایا
ئەڤینا من بۆتە ب ڕۆژ و مەهـ و سالایە
دەرمانێ برینا من نەل با نۆژدار و حەكیمایە
چارەیا دەردیچ من گەهشتنا هەردوو سێڤایا
گەزتنا رووكێ تە و تامكرنا تەنك لێڤایە
ئەڤینی نە یاریاكە توو خوە پێ ژبیر بكەی
نە خەوونەكە خوە ل سپێدەیا ژی رزگار بكەی
و نە برینەكا بساناهی توو دەرمان بكەی
و نە وەكا خەیالاكێ توو زوو ژ پێش چاڤێت خوە وندا بكەی
ئەڤینی نیڤی ژ ژیانێ یە
چێبوویا دا توو ژیانا خوە ڤێرا خۆش بكەی
ل ڤێ ژیانێ دە من بەس حەش تە كرییە
توو بخودێ كەی توو من ژبیر نەكەی
توو بخودێ كەی توو من ژبیر نەكەی
تُتاح هذه الصورة أيضا في: کوردی