بەرپرسەکێ رۆژئاڤا: ماکرۆن رازی بوویە ھێزێ بھنێریتە منبجێ
WAAR-دهۆك:
شاندەکا رۆژئاڤایێ کوردستانێ ژ بۆ مەرەما گۆتوبێژکرنا رەوشا عەفرینێ سەرەدانا پاریسێ کر و د گەل سەرۆکێ فرەنسا کۆم بوون.
شاندێ رۆژئاڤا ژ ھەڤسەرۆکێ تەڤگەرا جڤاتا دیمۆکرات تەڤدەمێ و ھەڤسەرۆکێ جڤاتا رێڤەبەرییا عەفرینێ و ھەڤسەرۆکێ دەستەیا پەیوەندیێن دەرڤە یا کانتۆنا جزیرێ، ھەروەسا بەرپرسێ کاروبارێن دەرڤە یێ ھەسەدێ و چەندین بەرپرسێن دی یێن رۆژئاڤا پێکدھێت.
ل گوری بەیانەکا کۆچکا ئیلیزیێ، ئیمانوێل ماکرۆن د کۆمبوونێ دا پشتەڤانییا خوە بۆ ھێزێن سووریا دیمۆکراتیک ھەسەدێ دیار کرییە و رازی بوویە ناڤبهینکاریێ د ناڤبەرا تورکیا و ھێزێن کوردی دا بکەت.
ژ ئالیێ خوە ڤە ژی بەرپرسەکێ رۆژئاڤا بۆ ئاژانسا رۆیتەرز گۆتییه: سەرۆکێ فرەنسا سۆز دایە ھێزەکا سەربازی بھنێریتە منبجێ.
تُتاح هذه الصورة أيضا في: کوردی