ئاهێن خوارنێ دێ ئێنه بهلاڤكرن
ZNA – ههولێر
بەرپرسێكی وەزارەتی بازرگانی ئاشكرای دەكات بۆ مانگی رەمەزان چەند بڕە خۆراكێك لە رێگەی بریكارەكانی خۆراك دابەش دەكرێت.
نەوزاد ئەدهەم، بەڕێوەبەشری گشتیی بازرگانی لە وەزارەتی پیشەسازی و بازرگانی حكوومەتی هەرێمی كوردستان بە باسی راگەیاند: بە بۆنەی مانگی رەمەزان بڕی 5 كیلۆ ئاردی سفر دەدرێتە هەر خێزانێك و ئاردەكەش لە نێو رەمەزان دابەش دەكرێت.
ئاماژەی بەوەشدا لەپاڵ ئاردی سفر بەشە ئاردی مانگانەش دابەش دەكرێت، گوتیشی: گەنم لە سایلۆكانی كوردستان نەماوە بەڵام عێراق گەنمێكی زۆری كڕیووە و بۆ ئێمەش رەوانە كراوە، بەم نزیكانە بەشە ئاردی مانگی سێ دەست بە دابەشكردنی دەكرێت.
بەرپرسەكەی وەزارەتی بازرگانی ئاشكراشیكرد بەشەخۆراكی مانگانەش لە نێو رەمەزاندا دابەشی سەر هاوڵاتیان دەكرێت، دەشڵێت: لە بەغداوە ئامادەكاری كراوە بۆ ئەوەی بەشەخۆراكێكی تەواو لە مانگی رەمەزان دابەش بكرێت، ئێستا برنج دەنێردرێت كە تەواو بوو ئینجا دەست بە دابەشكردنی دەكرێت.
بڕیارە لەپاڵ برنجدا شەكر و رۆنیش هەر لەو مانگەدا دابەش بكرێت.
ئەو كە بەرپرسە لە چاودێری بازاڕیش جەختی كردەوە لە مانگی رەمەوان چاودێری نرخەكان دەكەن لە بازاڕەكاندا، گوتیشی: لە مانگی رەمەزان لیژنەكانی ئابووری و چاودێرانی بازاڕ سەردانی شوێن و بازاڕەكان دەكەن بۆ ئەوەی رێگری بكەن لەهەر هەوڵێك بۆ گرانكردنی خۆراك و پێداویستی خەڵك.
تُتاح هذه الصورة أيضا في: کوردی