ئیراقێ هۆشداری ژ ئۆپهراسیۆنا قهندیلی دا تورکیا
WAAR-دهۆك:
سهرکردایهتییا ئۆپهراسیۆنێن ههڤپشک یێن ئیراقێ هۆشداری ژ ههر ئۆپهراسیۆنهکا تورکیا ل سهر قهندیل و شنگالێ دا تورکیا و داخواز ژێ کر سهروهرییا ئاخا ئیراقێ بپارێزیت و دهم ل دهست هێرشان رابگریت.
یهحیا زوبهیدی، پهیڤدارێ فهرمی یێ سهرکردایهتییا ئۆپهراسیۆنێن ههڤپشک یێن ئیراقێ راگههاند : نها هێزێن ئیراقی ل شنگالێ نه و یێن پێشمهرگهیی ژی ل نێزیکی قهندیلی نه کو ههردو پشکهکن ژ سیستهما بهرگرییا ئیراقی و ئهرکێ وان پاراستنا سهروهرییا ئیراقێ و ههموو نهتهوهیێن جودا یه، لهورا ئهو داخوزێ ژ تورکیا دکهن هێرشێن خوه ل سهر قهندیل و شنگالێ رابوهستینن و سهروهرییا ئاخا ئیراقێ بپارێزیت.
زوبهیدی گۆت ژی : زێدهباری کو ئهو دژی بکارئینانا خاکا ئیراقێ نه دژی ههر وهلاتهکی، ههڤدهم ئهو ژ بۆ بهرسڤدانا هێرشێن ههر وهلاتهکی ژی ل سهر خاکا ئیراقێ ل هیڤییا فهرمانا سهرکردایهتییا هێزێن چهکدار یێن ئیراقێ نه.
بهری نها حهیدهر عهبادی ژی راگههاندبوو : ئهو ل دژی پهکهکێ د گهل تورکیا دا رێکنهکهفتینه و وان تا نها چ گۆتووبێژ ژی ل سهر وێ مژارێ و ئۆپهراسیۆنا ل سهر قهندیلی د گهل تورکیا دا نهکرینه و قهندیل جههک ئاسێ یه و ژ سالێن شێستان چ حکومهت نهشیاینه کۆنترۆل بکهن.
تُتاح هذه الصورة أيضا في: کوردی