ئازارێن جیهانێ
موراد ئێزدی
لسەر هەر دیوارەكی
من نڤیساند بوو
حەز ژ تە دكم
تنێ
دیوارێ دلێ تە نەبت
چنكو
من لسەر وی نڤیساندبوو
من توو دڤێی
گۆتن مریا
من مری كرنە زندی
و زندی كرنە مری
وی دەمی
ب دەستێن خۆ
من توو كوشتی
من خۆ كوشت
ژبەر تە كفن چێدكرن و
رۆژا ئەز مریم
بێنڤەدانا تەبوو
داوی نامە من نڤیسی
ب چاڤەكی گری بوو
لێ هەر مرۆڤەكی نامە خووندی
هزر دكر كەیف خۆشترین مرۆڤم
هەر خیڤەتگەهەك گۆڕەكا بكۆمە
چەندین ساغێن مری تێدا دژین
ترانە و یاریێن خۆ ب من دكی
و ئەز نكارم بێژم توو كی
هەكە تە نەبت هێزا من
خۆ نەینە رێزا من
زارۆكێن وە لبەر لێڤا رووباری
خۆشیێ دبەن و سەمایێ دكن
زارۆكێن مەژی گری ڤەدخۆن
ژتێهنا چ نەمایە خوونا مە بمژن
تُتاح هذه الصورة أيضا في: کوردی