قاسم شەشۆ:ڤەگەریانا ئەرەبا بۆ شنگال دێ كێشێن جڤاكی دروست كت
تۆرا لالش یا راگەهاندنێ
پشتی ب پالپشتیا حكومەتا عێراقێ ئەرەبێن گوندێ گولات ڤەگەریاینە سەر مال و حالێ خۆ ڤە، فەرماندێ فەرماندەیا شنگال یا پێشمەرگەیێ كوردستانێ راگەهاند كو ڤەگەریانا ئەرەبا دێ كێشێن جڤاكی دروست كت.
فەرماندێ فەرماندەیا شنگال یا پێشمەرگەیێ كوردستانێ(قاسم شەشۆ)بۆ رۆژناما دەنگێ لالش ئاشكەراكر، ب پالپشتیا حكومەتا عێراقێ ئەرەبێن گوندێ گولات ڤەگەریانە سەر مال و حالێ خۆ ڤە،ڤەگەریانا ئەرەبا دێ كێشێن جڤاكی دروست كت و ئێزدی نە بەرپرسن ژ كوشتنا هەر كەسەكی ئەرەب،ژبەركو یێن ئەو زڤراندین بەرپرسیاریا تەمام هەلدگرت هەر چەندە ئێزدی ب هەموو رێیا دگەل ئاشتی و ئارامیێ نە.
ژبال خۆڤە وەلاتیێ ئێزدی(حازم عەلی)خەلكێ گوندەكی نیزیكی گوندێ گولات یێ ئەرەب نشینە بۆ رۆژناما دەنگێ لالش رۆنكر،ل دەما بۆری باوەریا مە ل ئەرەبا دهات مە كاری تەرش و تەوال و هەموو كارێن خۆ نێزیكی وان گوندا بكن،بەلێ پشتی تاوانێن دەرهەقی مە ئەنجام داین باوەریا مە ب وان شكەست و نكارن وەك بەرێ كارێ خۆ بكەینە ڤە و رەنگە هندەك ئاریشێن جڤاكی رووبدەن كو هەر كێشەیەكا چێبت حكومەتا عێراقێ ژێ بەرپرسیارە ژبەركو ئەو ئەگەرێ زڤرینا ئەرەبێن ڤی گوندی بوون.
تُتاح هذه الصورة أيضا في: کوردی