كچەكا دى يا ئێزدى ژ دەستێ تیرۆرستێن داعش هاتە رزگاركرن
باسنيوز:
بەرپرسێ نڤیسینگەها رزگاركرنا رەڤاندیێن ئێزدی ل دهۆكێ دیاركر:” ئەڤرۆ 27/8/2019 كچەكا ئێزدی ژ دەستێ تیرۆرستێن داعش هاتە رزگاركرن”.
حسێن كورۆ قائێدی، بەرپرسێ نڤیسینگەها رزگاركرنا رەڤاندیێن ئێزدی ل دهۆكێ بۆ(باسنیوز) دیاركر:” ئەڤرۆكە كچەكا ئێزدی دژیێ 10 سالی دا ب ناڤێ ( دەنیس شەمۆ خەلەف ) هاتە رزگاركرن كو ل سالا 2014ێ دەمێ تیرۆرستێن داعش هێرشی سەر شنگال كرین ئەڤ كچا ئێزدی دگەل هزارەها كچ وژن و زارۆكێن دی یێن ئێزدی هاتبوو گرتن و رەڤاندن. ئەڤە پێنچ سالان دەستێ تیرۆرستێن داعش دا تووشی هەموو جۆرێن نەخۆشی و دەردەسەری و زۆرداریێ دبیت “.
خویا ژی كر:” ب هەڤكاریا دەزگەهێن ئەمنی ل هەرێما كوردستانێ مە شیا ڤێ كچێ رزگاربكەن ئەڤ كچا بۆ تەلەعفەر هاتبوو ڤەگوهاستن پاشی بۆ سوریا و توركیا نۆكە گەهشتە هەرێما كوردستانێ ب دیتنا كەس و كارێن خوە شادبوو”.
تُتاح هذه الصورة أيضا في: کوردی