تەکنۆلۆژیا چاڤێ سیێ بۆ پاراستنا بکارهێنەرێن مۆبایلان دهێتە بەرهەمئینان
گاڤ نیوز
گەلەک ژ بکارهێنەرێن مۆبایلان هەنە رۆژانە ل دەمێ هاتنوچوونا ل سەر جادەیان مژویلی بکارئینانا وی ئامیرینە، لەورا گەنجەکی تەکنۆلۆژیایەک داهێنایە بۆ چارەکرنا وێ کێشەیێ.
دیزاینەرەکێ کۆریایا باشۆر ب ناڤێ باینگ مین ووک یێ ٢٨ سالی بۆ ئاژانسا رویتەرز گۆت: ئەوی چاڤەکێ رۆبۆتی داهێنایە ناڤێ وی کریە چاڤێ سیێ کو بکارهێنەرێن مۆبایلان دشێن ب ئەنیا خۆ ڤە کەن دەمێ مۆبایلێ ل سەر جادەیێ ب کاردئینن، داکو هوشداریێ بدەنە بکارهێنەری دەمێ نێزیکی تشتەکی دبیت.
ناڤبری قوتابیێ خواندنێن بلندە ل ئەندازیاریا دیزاینێ ل زانکۆیا ئیمپریال کۆلیدج یا لەندەن زێدەتر گۆت: ئەو چاڤە وەکو کامیرەیەکا هەستیارە دشێت ب دویراتیا دو تا ٣ مەتران هوشداریێ ژ نێزیکبوونا ئاستەنگەکێ بدەتە بکارهێنەری.
ئاشکەرا ژی کر: داهێنانا وی نە چارەیەکا راستەقینەیە بۆ ئالۆدەبوویێن مۆبایلێن زیرەک، بەلکو بۆ هندێ یە خەلک ل خۆ ب زڤرن و مەترسیا وێ چەندێ بزانن.
تُتاح هذه الصورة أيضا في: کوردی