كورتە فلمەك لدۆر خێزانەكا نابینا یا ئێزدی ل ڤیستەڤالا موسكۆ هاتە نیشاندان
تۆرا لالش:
كورتە فلمێ دیكیۆمێنتاری (Touch) ل ل هەفتیا بۆری ل فلمە ڤیستەڤالا موسكو یا فلمێن كوردی ل وەلاتێ رووسیا هاتە نیشاندان ،كو چیرۆكا خێزانەكا ئاوارە یا نابینا یا ئێزدی یە پشتی هێرشا رێكخراوا تیرۆرستی یا داعش بۆ سەر شنگالێ ئاوارەی پارێزگەها دهۆكێ بووینە.
دەرهێنەرێ فلمی(وارمان سەعید)بۆ رۆژناما دەنگێ لالش خویاكر،فلمێ(Touch)بەرهەمێ سالا(2017)ێ یە و بەشداری ل چەندین ڤیستەڤالێن ناڤخوی و نێڤ دەولەتی دا كریە ل ل وەلاتێن( ئەلمانیا ، مسر ، ھندستان ، بنگلادش و عراق و كوردستان ) و چەند وەلاتێن دی و كاریە دوو خەلاتێن نێڤ دەولەتی دبیاڤێ دەرهێنانێ دا بدەستڤەبینت و چەندین ڤیستەڤالا پالێوراو بوویە بۆ خەلاتان،ل هەفتیا بۆری ل فلمە ڤیستەڤالا موسكو یا فلمێن كوردی ل وەلاتێ رووسیا هاتە نیشاندان چیرۆكا وی لدۆر خێزانەكا ئاوارە یا نابینا یا ئێزدی یە پشتی هێرشا رێكخراوا تیرۆرستی یا داعش بۆ سەر شنگالێ ئاوارەی پارێزگەها دهۆكێ دبن و گۆت:((گەلەك چیرۆكێن تراژیدی و هەستبزوێن هەبووینە لێ نابینای و رەڤ و ئاوارەی سەرەنجا وی راكێشایە بكەتە فلمەك و بەحس ل رۆژانێن سەختێن ڤێ خێزانێ بكت و بگەهینتە خەلكەكی تا رادەیەك باش پەیاما وی گەهشتیە وەك ئەزموونا ئێكێ دچێكرنا فلمان دا،سەرەرای پشكداریا وی دچێكرنا چەندین فلمان دا و ئەنجامدانا چەندەها كارێن هۆنەری دبیاڤێ وێنەگرتن و دەرهێنان و مونتاژ ێ دا)).
ئاشكەراكر،نهۆ دەست ب دروستكرنا فلمەكی دی كریە،كو ل دەمەكێ نێزیك دا دەست ب كارێ وێنەگرتنا وی ئێتە كرن.
تُتاح هذه الصورة أيضا في: کوردی