ئێزدیان ب بیر و باوهر چهكێ شهرهفێ ل شۆرهشا ئهیلولێ هلگرتن
مههدى حهسهن:
پارتى دیموكراتى كوردستان مهزنترین شۆرهشا نشتیمانى و نهتهوهیى ل 11ى ئهیلولا سالا 1961 ب رابهرایهتیا بارزانى نهمر،د دیرۆكا كوردستانێ دا بهرپاكر و بناغێ موكمێ بزاڤا رزگاریخوازا كوردستانێ و فاكتهرێ خۆراگریێ و بهرخودانێ و ڤهژاندنا كوردایهتى و قوتابخانا كوردپهروهریێ و فیداكاریێ و دیموكراسیێ تۆڤێ هیڤى و باوهریێ دناڤ مللهتى دا چاند،ئهڤێ دادپهروهریێ و رێبازا بارزانیێ نهمر كو ب رێبازا راستهقینهیا گهلێ كوردستانێ دئێته ناسكرن و ههموو كێم ئاین و نهتهوهیێن كوردستانێ سهرێ خۆ هلدهن و رۆلێ خۆ دناڤا شۆرهشێ دا گێران،نهخاسمه ئێزدیان بتر ژ ههر كێم ئاین و نهتهوهكێ ل كوردستانێ هاتبوونه تهپهسهركرن چ ل چهرخێ بۆرى و ب تایبهت خهلافهتا ئۆسمانیان گهلهك زۆردارى ل ئێزدیان كرن و فهرمان ل پێ فهرمانێ ل سهر ئێزدیان د هاتنه كرن و كهسى خۆ ل ئێزدیان نهد كره خودان ههتا درووستبوونا دهولهتا عێراقێ مهلكى و دهسههلاتێن خۆپهرست ئێزدى پشت گوهـ هاڤێتبوون,لهورا ههر گاڤ د كوڤى بوون و كێم تێكلیا مللهتان ژى دكرن،ژبهركو ههر ب دل ترس بوون.
شۆرهشا ئهیلولێ بوو ئۆمێدهكا ب هێز كو گهلێ كورد كارین رێزێن خۆ رێك بێخن و ههموو پێكهاتێن جڤاكى و ئۆلى بێ جوداهى د ئێك سهنگهر دا كۆم بكت ب مهرهما بهرگریكرن ژ ههبوون و مافێن ڕهوا یێن خهلكێ كوردستانێ،نهخاسمه ئێزدیان ل ڤێ شۆرهشێ سهرێ خۆ هلدان و بۆ جارا ئێكێ كهفتنه قادا خهباتێ و مل ب ملێ برایێن خۆ یێن موسلمان و مهسیحى كو دزانین شۆرهش شۆرهشا دادپهروهریێ یه و ههموو ئاین و نهتهوه دێ ب مافێ خۆ شادبن،لهوران ئێزدیان ب ههموو تهخ و چینێن خۆڤه بوونه پێشمهرگههـ و قوربانى ل پێ قوربانیێ بۆ ناڤێ دۆزا گهلێ خۆ دان و دهربهردهربووینه و خۆ ب خودانێن ئاخ و وهلاتى دانه زانین،ژبهر رۆلێ ئێزدیان د بزاڤا ئازادیخوازا كوردستانێ و ب تایبهت ل شۆرهشا ئهیلولا مهزن كو ئێزدیان رۆلهكێ سهرهكى ههبوون د هاریكارى و پشتهڤانیا پێشمهرگهى دا و دهرگههێ خانیێن خۆ بۆ پێشمهرگهى ڤهدكرن و ئهرزاق و مالێن خۆ د خزمهتا شۆرهشێ داكرن و خۆ ب كوردێن رهسهن دانه زانین،ئهڤ چهنده ژى بۆ هندێ ڤهدگهرت ئێزدیان باوهریهكا مهزن ب رێبازا پارتى و بارزانى ئینان بۆ وێ رێزگرتنا شۆرهشێ و بارزانى ل ئێزدیان و ههر كێم ئاین و نهتهوهكا ل كوردستانێ ئیناینه ههبوونێ،لهورا ئهڤ باوهریه بوو ئهگهر ئێزدى جارهكا دى تێكلى شۆرهشێ بن و خۆ ل ئاخ و وهلاتێ خۆ بكهنه ئهو ژى پشتى ڤهقهتیانهكا درێژ دناڤبهرا ئێزدیان و جڤاكێن دۆرماندۆر دروستبووى ژ ئهنجامێن وان فهرمانێن ب سهرێ مه هاتین.
بۆ جارا ئێكێ ل شۆرهشا ئهیلولا مهزن ئێزدیان جارهكا دى باوهرى دانه خۆ و ئازاد و سهربهست بژین وهك وهلاتیێن پله ئێك ل كوردستانێ،لهورا میرێ ئێزدیان و بابا شێخ و چهندین مهزن و كهسایهتیێن جڤاكێ ئێزدیان ب ههموو تهخ و چینێن خۆ ڤه گههشتنه شۆرهشا ئهیلولا مهزن ل ههر گوند و باژێرهكێ ئێزدى لێ ههین و داخواز ژ مللهتى كرن چهكێ شهرهفێ هلگرن دژى ستهم و زۆرداریا بهعسیا و داگیركهرا ڕاوستێن و بهرهڤانیێ ژ كوردستانێ بكن،ژبهر ڤى ههلویستێ ئێزدیان پشتى نهكسا سالا 1975ێ و شۆرهشا كوردى شكهستى ژ ئهنجامێن خیانهتا هاتیهكرن ئهو ژى عێراقێ نیڤا ئاڤا رووبارێ ئهرهبى(شهت العرب)دا ئیرانێ بهرامبهر شكهستنا شۆرهشا كوردى و دهستبهردارى وێ رێككهفتنا هاتیه مۆركرن ل سالا 1970دناڤبهرا سهركردایهتیا شۆرهشا ئهیلولا مهزن و دهستههلاداریا بهعسیا،جارهكا دى ناڤچهیێن مه هاتنه داگیركرن و گهلێ كورد ب گشتى هاته دهربهدهركرن و گوڕزێ ههره مهزن ب ئێزدیان كهفت و ئێكهمین پێنگاڤا بهعسیا هاڤێتى تهعریبكرنا گوندێن ئێزدیان بوو عهرهب ئینانه سهر گوند و ملك ئهملاكێن ئێزدیان و ئهڤ ناڤچا زهنگین ب خێر و خێرات و دهخل و دانهكێ زۆر یێن دهڤهرێن ئێزدیان رادهستى عهرهبان كرن و ئێزدى ئینانه خالا سفرێ و بن دهستكرن ل كۆمهلگههێن زۆره مللى ئاكنجیكرن.
كهرب و كینا بهعسیا ل سهر ئێزدیاتیێ و ئێزدیان ژبهرهندێ ئێزدیان هاریكارى و پشتهڤانى یا شۆرهشا ئهیلولا مهزن كر ئهوا ب سهرۆكاتیا بابێ رۆحى و نهتهوهیى بارزانیێ نهمر هاتیهكرن،ههر چهنده شۆرهشا ئهیلولێ ب شۆرهشهكا سهرانسهرى یا ههر چار پارچێن كوردستانێ دئێته ناسین،شۆرهش بوو ناڤهندا بهلاڤكرن و ب هێزكرنا ههست و هشیاریا نهتهوایهتى و شۆرهشگێرى ل سهرانسهرى كوردستانێ، ژ ئهنجامێ خهبات و بهرخودان و خۆراگریا شۆرهشا ئهیلولێ و سیاسهتا راست و دروست یا بارزانیێ نهمر حكومهتا عێراقێ نهچار بوو دانپێدانێ ب چهندین مافێن گهلێ كورد بكت و رێككهفتنا 11ێ ئادارێ ب مهزنترین دهستكهفتێ ڤێ شۆرهشێ دئێته هژمارتن،كهلتۆرێ پێكڤهژیانێ و سهقامگیریا سیاسى و ئاشتى و دیموكراسى بۆ عێراقێ ژ ئارمانجێن شۆرهشا ئهیلولێ بوویه.
ل سهر ئاستێ نێڤ دهولهتى ژى شۆرهشا ئهیلولێ كاریه كێشا كوردى ب جیهانى بكن، ههروهسا شۆرهشا ئهیلولا مهزن مێژوویا سیاسى و نهتهوهى یا كوردستانى گههانده قۆناغهكا دى یا سهردهمیانه و حكومهت و پهرلهمان و سیستهمێ دیموكراسى و ههلبژارتنێن ئیرۆ یێن ئازاد و پێكڤهژیان ل ههرێما كوردستانێ،ژ ئهنجامێ خهبات و قوربانیدانا ههردوو شۆرهشێن ئهیلولا مهزن و گولانا پێشكهفتنخواز و خهلكێ نشتیمان پهروهرێ كوردستانێ و ژ ئهنجامێ سیاسهتا دروستا پارتى و سهرۆك بارزانى بوویه.
س.س
تُتاح هذه الصورة أيضا في: کوردی