سەرۆكێ بنگەهێ لالش:ناساندنا جینۆسایدا ئێزدیان دێ بتە ڕێكخۆشكەر وفشارێ ئێختە سەر جڤاكێ نێڤ دەولەتی
تۆرا لالش:
پشتی پەرلەمانێ ئەلمانیا كۆمكوژیا ئێزدیان وەكو جینۆساید ناساندی،سەرۆكێ دەستەیا بلندا بنگەهێ لالش دیاركر هەلبەت دانپێدان ب جینۆسایدا ئێزدیان پێنگاڤەكا ئێكجار مەزنە و دێ بتە ڕێكخۆشكەر وفشارێ ئێختە سەر جڤاكێ نێڤ دەولەتی.
سەعید جردۆ،سەرۆكێ دەستەیا بلندا بنگەهێ لالش یێ ڕەوشەنبیری و كۆمەڵایەتی بۆ دەنگێ لالش دیاركر،ل ڕۆژا 19/1/2023 تاوانا ناساندنا قركرنا ئێزدیان ژلایێ پەرلەمانێ ئەلمانیا ڤە ب تەمامیا دەنگان هاتە پەسەندكرن،هەلبەت دانپێدان ب جینۆسایدا ئێزدیان پێنگاڤەكا ئێكجار مەزنە،هەر چەندە رەنگە ئەو خالێن تێدا هاتینە دیاركرن نە د پێگیربن د حكومەتا ئەلمانیا دا،لێ ڕێكخۆشكەرەكە ژبۆ چالاككرنا ڤی كەیسی وفشارەكە ل سەر جڤاكا نێڤ دەولەتی.
سەرۆكێ بنگەهێ لالش گۆتژی پشتی ڤێ پێنگاڤا پەرلەمانێ ئەلمانیا ،بەرەبەرە دبت هەموو وەلاتێ جیهانێ ڤی كەیسی ب جینۆساید بدەنە ناسكرن وپاشی فشارەك ل سەر دادگەها نێڤ دەولەتی و عێراقێ دروست ببت،كو داخوازێ بكە یان ببە ئەندام ل هەڤپەیمانا رۆما یان ژی داخوازێ ژ un و ئەنجوومەنێ ئاساییشێ بكە كو دادگەهەكا نێڤ دەولەتی یا تایبەت ب تاونێن داعش بێتە دروستكرن ژبۆ ئێكلایكرنا كەیسا قركرنا ئێزدیان.
تُتاح هذه الصورة أيضا في: کوردی