تۆرا لالش
ئیرۆ ل رێكهفتی 9ی چریا ئێكێ 2024ێ، ل بنگههێ رێكخراوا دێرهبوونێ، سمینارهكا جهماوهری ب ئامادهبوونا محموود محموود ئێزدی، ئهندامێ سهركردایهتیا پارتا دیموكراتا كوردستانێ (پارتی) هاته ئهنجامدان و كهسایهتی و ماقوول و شوكهت بهر بههاری سهرپهرشتێ كهرتێ دێرهبوون پێشابوور، دگهل ژمارهكا بهرچاڤ ژ ئهندامێن محوهرێ رزگاری و خهلكێ دهڤهرێ هاته سازكرن.
د ئاخفتنا خوه دا، بهرێز ئێزدی ب تایبهتی ل سهر گرنگیا ههلبژارتنێن 20/10/2024ێ ئاخڤی و وی دهستنیشان كر كو ئهڤ ههلبژارتنه دێ رۆلهكێ گرنگ د پێشڤهچوونا سیاسی و ئابووری یا ههرێما كوردستانێ دا گێرت.
بهرێز ئێزدی پێزانینهكا تایبهت دا خهلكێ دێرهبوونێ بۆ بهشداربوونا وان یا چالاك د ههمی ههلبژارتنێن بوری دا گۆت: بهشداریا وه یا بهردهوام نیشانا وهلاتپارێزی و ههست ب بهرپرسیاریێ یه و هیڤیدارم هوون جارهكا دی ژی ب ههمان شێوه بهشداریێ د ڤان ههلبژارتنان دا ب كهن.
پاشی، بهرێزی ب درێژی بهحسێ لیستا 190 كر، كو لیستا پارتا دیموكراتا كوردستانێ یه و گۆت: لیستا 190 نوینهراتیا ههموو پێكهاتهیێن جڤاكا مه دكهت و ئهم ب شانازی ڤه دبێژین كو كاندیدێن مه ژ ههموو تهخ و توێژێن جڤاكێ نه، و ئارمانجا مه پێشخستنا ههرێما كوردستانێ یه ب گشتی.
محمود محمود ئێزدی زێدهتر ئاشكهراكر: لیستا 190 خودان پرۆگرامهكێ بهرفرههـ و كارا یه بۆ چارهسهركرنا پرسێن گرنگ یێن وهك پهروهرده، تهندروستی، ئاڤهدانكرن و دابینكرنا كاری بۆ گهنجان. ئهم سۆزێ ددهین كو دێ بێ وهستان بۆ باشتركرنا ژیانا ههوه كار كهین.
ل داویا سمینارێ، ئامادهبوویان ب گهرمی پشتهڤانیا خوه بۆ لیستا 190 دووپات كرن و كهسایهتیێن ناڤدار، ماقوول و ریهـ سپیێن دهڤهرێ ژی سۆز دان دێ خهلكی هان دهن دا بهشداریێ د ههلبژارتنان دا بكهن و دهنگێ خوه بدهنه لیستا 190.
ب ڤی رهنگی، سمینار ب سهركهفتن و د كهشهكێ گهش و هیڤیدار دا ب داوی هات، و خهلكێ دێرهبوونێ جارهكا دی نیشان دا كو ئهو بۆ پێشهرۆژهكا گهش یا ههرێما كوردستانێ ئاماده نه.
تُتاح هذه الصورة أيضا في: کوردی