تۆرا لالش
بەرپرسێ راگەهاندنا بنگەهێ لالش یێ رەوشەنبیری و كۆمهڵايهتى راگههاند: ب پشتەڤانیا حكومەتا هەرێما كوردستانێ، بنگەهێ لالش کار ل سەر دروستکرنا کۆرالەکا موزیکێ و ڤەکرنا کەناڵەکی دکەت.
كاروان حاجی باعهدرى، بەرپرسێ راگەهاندنا بنگەهێ لالش یێ رەوشەنبیری و كۆمهڵايهتى بۆ ڕاگههاندنا بنگههێ لالش گۆت: ب پشتەڤانیا حكومەتا هەرێما كوردستانێ ئەم شیاین كەنالێ (سەما) یێ ئاسمانی كو یێ تایبەتە د بۆارێ ئێزدیان دا ڤەكەین و ئەز دكارم بێژم راگەهاندنا بنگەهێ لالش ژ ئێكەمانە، چنكو چو جاران نەبوویە ئەگەرێ تێكدانا جڤاكی هەردەم پشتەڤانە ژبۆ پێكڤەژیانێ، ژبەركو برایێن مە یێن موسلمان ژی گەل مە كاركەن.
گۆتژى: ئەم گەلەك سوپاسیا حكومەتا هەرێما كوردستانێ دكەین كو هەموو داخوازیێن مە بجه ئیناینە و ئەم نوكە یێ كاری ل سەر گرۆپەكێ كۆرالا موزیكێ یا ئێزدیان دكەین و مە دڤێت ب رێكا ڤی كۆرالی خزمەتا ستران و مۆزیك و هونەرێ ئێزدیان بكەین و دەنگێ وان بگەهینە هەموو جیهانێ.
بنگههێ لالش يێ رهوشهنبيرى و كۆمهڵايهتى ل سالا 1993 ل سهردهستێ كۆمهكا خهمخۆر و رهوشهنبيرێن ئێزديان هاتيه دامهزراندن، ب پشتهڤانيا حكومهتا ههرێمێ دچهندين بياڤان دا تا نوكه ب بهردهوامى خزمهتا جڤاكا ئێزديان دكهت.
تُتاح هذه الصورة أيضا في: کوردی