تۆرا لالش
بنگەهێ لالش سیهـ و سێ سال خزمەت و چرایەک بۆ پاراستنا ڕەسەناتییا ئێزدیبان
ب هەلکەفتا ٣٣ سالییا دامەزراندنا بنگەهێ لالش یێ ڕەوشەنبیری و کۆمەلایەتی، گەرمترین و جوانترین پیرۆزباهییان ئاراستەی دەستەیا بلند، ئەندام، کارمەندێن هەموو تای و نڤیسینگەهێن بنگەهی دکەم، ئیرۆ مەزنترین شانازییە کو وەک خزمەتکارەک د ناڤ ڤێ سازییا تژی خەبات و مێژوویی دا کار دکەم.
بنگەهێ لالش تنێ سازیەکا ئاسایی نینە؛ بەلکو ئێکە ژ دەستکەفتێن هەرە مەزنێن سەرهلدانا جەماوەری یا سالا ١٩٩١ێ، ل رێکەفتی ١٢/٥/١٩٩٣ێ ل سەر دەستێ کۆمەکا نڤیسەر، رەوشەنبیر و خەمخۆرێن ئێزدیاتیێ ل دهۆکا داسنیا هاتە دامەزراندن، د ڤێ رێیا دوور و درێژ دا، گەلەک کەسایەتیێن ناڤدار و دلسۆز خزمەت کر، کو مخابن پشکەک ژ وان ئیرۆ ل ناڤ مە نینن و ئۆغر کرینە جانێ وان ل بەهشتێ دا شاد بت و ناڤێ وان د دیرۆکێ دا ب نڤیسینێن زێڕین دێ مینیت.
ئارمانجا مە یا سەرەکی د ناڤ ڤی بنگەهی دا، پشتەڤانیکرنا بێ مەرج یا گەنج و ئافرەتانە د هەموو بیاڤێن ژیانێ دا، بنگەهێ لالش د مێژوویا خۆ دا خودان دەستکەفتێن ستراتیژی بوویە، ژ وان ژی
گۆڤارا لالش کو بوویە ژێدەرەکێ زەنگین بۆ ڤەکۆلین و پاراستنا کەلەپوورێ ئێزدیاتیێ
رۆژناما دەنگێ لالش، ئەوا وەک قوتابخانەیەکێ رۆلەکێ کاریگەر هەبوو د پێگەهاندنا رۆژنامەڤانێن لاو و ئافرەتێن ئێزدی دا
ههروهسان د بیاڤێ پهروهردێ ژی دا، ب بەرهەڤکرنا پەرتووکا ئاینێ ئێزدیاتیێ بۆ قوتابخانەیان و خەلاتکرنا قوتابیێن خودان بەهرە و یێن كۆنمرێن وان نایاب ڕۆلهكێ كارتێكهر گێرایه.
ب ئەنجامدانا سەدان کۆڕ، سمینار و خێڤەتگەهێن رەوشەنبیری کو كارییه هشیاریا جڤاکی بلند بکەت.
ئێک ژ مژدەیێن مەزن یێن ئەڤ سالە، بەرەڤ پێشچوونا کەناڵێ (Sema TV) یە، کو ب سوپاسی ڤە ب پشتەڤانییا رێزدار مەسرور بارزانی سهرۆكێ حکومەتا هەرێما کوردستانێ، د پاشهرۆژهكا نێزیک دا دێ بتە کەناڵەکێ ئاسمانی، دا کو دەنگ و ڕەنگێ ئێزدییان بگەهینیتە هەموو جیهانێ
دووباره پیرۆز بت سالییادا دامهزراندنا بنگههێ لالش
تُتاح هذه الصورة أيضا في: کوردی