تۆرا لالش
ب هەلکەفتا سالڕۆژا دامەزراندنا نڤیسینگەها لالش ئێسیا کو د رۆژەکا وەکا ئیرۆ دا بەری پازدە سالان ب پشتەڤانیا حکومەتا هەرێما کوردستانێ هاتبوو دامەزراندن، ڕۆژا سێ شەمبوویێ رێکەفتی 11/8/2026 ب ئامادەبوونا سەعيد جردو سەرۆکێ دەستەكا بلندا بنگەهێ لالش و نجیم الیاس بەرپرسێ لیژنا ناوچا باعەدرێ یا PDKێ و سەرپەرشتێ پەروەدا شێخان هیثم حسن و ئۆلدار میر حاج و شاندەکی بنگەهێ لالش تایێ شێخان و رێکخراوا ئێسیا و بەرپرسا ناڤەندا ئافرەتێن شێخان حنیف داود، چەندین مامۆستا و رەوشەنبیرین دەڤەرێ سالڤهگهر هاته ساخكرن.
ل دەستپێکێ خولەکەکێ راوەستیان وەک رێزگرتنەک ژ بۆ جانگوری و شەهیدێن کورد و کوردستانێ، پاشان پەیڤا بخێرهاتنێ ژ لایێ بەرپرسێ نڤیسینگەها لالش ئيسیا (لوەیی فندی)ـڤە هاتە پێشکێشکرن و پیرۆزباهی ل هەموو ئەندام و لایەنگرێن نڤیسینگەها لالش ئێسیا کر، خویاکر کو بەری 16 سالا د روژەکا وەکی ئیرۆ دا ل سەر دەستێ چەند مامۆستا و رەوشەنبیر و نڤیسکارێن گوندێ ئیسیا و ب ههڤکاریا بنگەهێ لالش تایێ شێخان و دەستەكا بلندا بنگەهێ لالش ئەڤ نڤیسینگەهە هاتە دامەزراندن، و بوویە ئێکەم ناڤەندا رەوشەنبیری و جڤاکی ل گوندێ ئێسیان، هەروەسا سوپاسیا سەرۆکێ حکومەتا هەرێما کوردستانێ رێزدار مهسرور بارزانی کر ژبۆ پشتەڤانیا وێ یا بەردەوام بۆ جڤاکا ئێزدی.
پاشان چەند هۆزانەک هاتنە خواندن ژ لایێ هۆزانڤان و نڤیسەر حسێن حەجی باعەدری ڤە.
پاشان کار و چالاکیێن ژ لایێ نڤیسینگەها لالش ئێسیا ڤە هاتینە ئەنجامدان هاتنە پێشاندان، ل دوماهیێ ژی رێزلێنان ب نڤیسەر و هۆزانڤان حسێن باعەردی هاتە دان ژ لایێ و خزمەتا وی بۆ جڤاکا ئێزدی بلند نرخاند. ب رێڤەبرنا پەنەلی بەرپرسێ نڤیسینگەها لالش ئێسیا (لؤي فندي).
تُتاح هذه الصورة أيضا في: کوردی