پهياما پشتهڤانيێ یا ئەنجوومەنێ ڕهۆشنبیری و جڤاکی یێ دالاهویارسان
تۆرا لالش
پێکهاتەیێ ئێزدی یێ ڕەسەن و کهڤنار و ئازار ديتى، پشكهكا ڤهنهقهتيايى نینە ژ ديرۆك و کهلتوور و شوناسا هەردەمى يا کوردستانێ و هەر بزاهڤهك بۆ تێکدان یان شێواندنا ئارامی و ئاساییشا مەعنەویی یا ڤى پێکهاتەى، ب هێرش بۆ سەر بنەمایێن مرۆڤایەتیێ دهێته دانان.
ئەم وەک رێکخراوەکا ڕهۆشهنبیری و مەدەنی، سهرهرايى دهربڕينا ههڤسۆزى و ههڤخهمييهكا كوور بۆ خوشك و برايێن ئێزدى، ڕەفتار و لێدوانێن ڤێ دووماهییێ یێن فتنەچییان ب بهرۆڤاژى بنەمایێن ئەخلاقی و پرەنسیپێن ڕێزگرتنێ ل ههڤدوو و د ناڤبەرا پەیڕەوێن ئاینان دزانین.
باوەڕييا مە وهسايه کو پاراستنا کەرامەتا مرۆڤی، بنەمایێ ژیانەکە ئاشتیانەیە، د ڤێ ڕێبازێ ژی دا، وەک ئاليهكێ مەدەنی هيڤخوازين ئاشتی بهێتە پاراستن و ئارامی بۆ جڤاکا ئێزدی بزڤڕت و ئەم دێ دەنگێ مەزڵوومیەت و خۆڕاگریا وە بین.
ئەنجوومەنێ دالاهویارسان هەردەم هەڤدەنگ و هەڤدل و پشتەڤانێ مەعنەویی یێ جڤاکێ ئێزدیان بوویە؛ داخوازا مە یا سەرەکی پاراستنا شوناس، سەقامگیری و ڕێزگرتنە ل بیروباوەرێن پێکهاتەیێن ڕەسەن یێن کوردستانێ.
بژیت پێکڤهژیانا ئاشتیانە، یەکسانی و ڕێزگرتنا ههڤدوو.
ئەنجوومەنێ ڕۆشنبیری و جڤاکی یێ داڵاهویارسان
تُتاح هذه الصورة أيضا في: کوردی