Şandeka NY serdana Şingalê kir û 3 milyon dolar ji Şingalê re terxan kir

Çavkanî : BasNews

 Şandeka Netewên Yekgirtî (NY) serdana bajarê Şingalê yê Kurdistana Başûr kir û ji aliyê qayîmeqam û rayedarên bajêr ve hat pêşwazîkirin.

Qayîmeqamê Şingalê Mehma Xelîl ji BasNewsê re got, îro şandeka NY, ku nûnerê sekreterê giştî yê NY Ban Kî-Moon jî tê de bû, serdadna Şingalê kir.

Mehma Xelîl da zanîn ku şanda NY, ji bona şopandina rewşa xelkê Şingalê û devera Şingalê hatiye Şingalê.

Qayîmeqamê Şingalê da zanîn ku nûnertiya NY li Iraqê (UNAMI) 3 milyon dolar ji bona Şingalê terxan kir û got, em spasiya NY dikin ji bo vê yekê.

Mehma Xelîl anî ziman ku wan ji şanda NY re gotine, Şingal êdî naxwaze girêdayî hikûmeta Iraqê bimîne, bila Şingal bibe parêzgeh û girêdayî Herêma Kurdistanê be.

Li gorî agahiyên qayîmeqamê Şingalê, şanda NY dê bi rayedar û rêveberiya Şingalê û Pêşmerge re jî bicive.

تُتاح هذه الصورة أيضا في: Kurdî