Sibe dû sal bi ser girtina DAIŞê li Şingalê derbas dibe û hêj jî bi dehan keç û jinên Kurdên Êzdî di destê DAIŞê dene.
Çavkanî :Rudaw
Piştî ku 3yê Tebaxa 2014an DAIŞ ket Şingalê, bi hezaran kes ji Kurdên Êzidî reviyabûn Çiyayê Şingalê û xwe ji destên çekdarên DAIŞê rizgarkirin.
Çiya Şingalê bû sitara herîn girîng a Kurdên Êzidî.
Kesên ku bi mucîze jî ji destê DAIŞê rizgarbûne behsa çîroka malwêraniya xwe dikin.
Heya niha jî hejmarek zêde ji xelkê Şingalê li ser Çiyayê Şingalê mane û li wir bicî bûne û ji nû ve dest bi jiyanê kirine.
Çekdarên DAIŞê di 3ê heyvaTebaxa sala borî de êrişî Şingalê kirin û ew dever kontrol kirin. Piştre di roja 17ê Berfanbara sala 2014an de hêza pêşmerge ya Kurdistanê bi serpireştiya Serokê Herêma Kurdistanê Mesûd Barzanî opersiyona rizgarkirina Şingalê dest pê kir û di demek zû de karî beşek mezin ji navçeyê, çiyayê Şingalê û nîvê bajarê Şingalê ji dest çekdarên DAIŞê azad bike.
Herwiha di êvariya roja 20ê Berfanbar a 2014an de Hêzên Pêşmerge gihîşt çiyayê Şingalê û ber bi navenda bajarê Şingalê pêşde çûn.
Şingal 13ê Mijdara 2015an ji aliyê hêza pêşmerge bi hevkariya balafirîn hevpeymanan hat kontrolkirin.
تُتاح هذه الصورة أيضا في: Kurdî