Barzanî ligel Balyozê Birîtanya yê Iraqê civiya
Rûdaw
Serokê Herêma Kurdistanê Mesûd Barzanî pêşwaziya Balyozê Birîtanya yê Bexdayê Frank Bakir û şandakê ligel wî kir û behsa referandûma serxwebûna Kurdistanê kirin.
Roja Pênçşema 15.06.2017 li Selaheddîn Serokê Herêma Kurdistanê Mesûd Barzanî pêşwaziya Balyozê Brîtanya li Iraq Frank Baker û şandekê li gel kir.
Li gor malpera fermî ya Serokatiya Herêma Kurdistanê di civînê Mesûd Barzanî û Frank Bakir de pêvajoya siyasê ya Herêma Kurdistanê, referandûma serxwebûnê, rewşa siyasî û ewlehiya Iraqê, şerê li dijî DAŞê hat gotûbêjkirin.
Di civînê de Mesûd Barzanî derbarê referandûma serxwebûnê de gotiye daxwaza gelê Kurdistanê ew e ku destkeftên xwe bi rêya aştî û dûrî li tundiyê bi dest bîne û çarenûsa xwe diyar bike û dixwaze baştirîn peywendî li gel Bexda û cîranên xwe û welatên navçeyê de hebe.
Li gorî daxuyaniyê Frank Bakir tekez li wê yekê kir ku welatê wan li gel wê yekê ne ku hemû gel û netew bixwe çarenivîsa xwe diyar bike, lê belê di wê baweriyê de ne ku demeke baş nîne ji bo encamdana referandûma Kurdistanê.
تُتاح هذه الصورة أيضا في: Kurdî