Navenda Laleş a Rewşenbîrî daxwaz ji PKK kir ji Şingalê derkeve
BasNews
Navenda Laleş a Rewşenbîrî li Almaniya êrîşa Tirkiyê li ser Çiyayê Şingal û Hêzên Pêşmerge ku, di wê êrîşê de hejmarek pêşmerge şehîd û birîndar bûn şermezarkir.
Di daxuyaniyekê de Navenda Laleş a Rewşenbîrî li Almaniya derbarê êrîşa Tirkiyê li ser Şingal û Hêzên Pêmerge wiha hatibû ragehandin:Em li Navenda Laleş a Rewşenbîrî li Almaniya bi tûndî êrîşa firokeyên Tirkiyê li ser Çiyayê Şingalê ku, tê de 5 pêşmergeyên qehreman şehîd bûn û hejmarek birîndar bûn şermezardikin, wê êrîşê ji bilî giyanê madî tirseke mezin xiste nav welatiyên sivîl, herwiha jêrxayena wê navçeyê jî wêrankir.
Em li vir wê êrîşê şermezar dikin û daxwaz ji PKK û Tirkiyê dikin ku, navçeya Şingalê nekin meydana nakokî û pirsgirêkn xwe, barê wlatiyên Şingalê pir girane û gelek êşûazar dîtine, herwiha gelek karesat bi sere Kurdên Êzdî hatine, ji aliyeke din ve em daxwaz ji Civaka Navnetewî û Hikumeta Iraqê û Hikumeta Kurdistanê dikin Pkk ji Şingalê derxîne daku, ev êrîşên wiha dubare nebin.
Hêjayî gotinê ye ku Herêma Kurdistanê bi serokatiya Mesûd Barzanî ji sala 2014an ve hawilên xwe dike û ji Pkk dixweze ku, ji Şingalê derkeve daku, ew rewş dubare nebin, lê PKK redike ku, ji Şingalê vekişe, hebûna PKK di Şingalê rê li pêşiya vegerandina welatiyên sivîl digre û tirsê dixe dilê wande û nikarin vegerin ser mal û mulkên xwe.
Rehma xwedê li şehîdan be û silametî ji birîndaran re
Navenda Laleş a Rewşenbîrî -Almanya
تُتاح هذه الصورة أيضا في: Kurdî