Ez çaremîn salvegera komkujiya Șengalê bi xemgînî bibîr tînim!
Ez weke kurdekî Ȇzdî hîna jî zahf xemgîn im ku, partiyên siyasî û rêxistinên hemû perçên Kurdistanê, (zêdetir jî ev kesên ku di çapemenî û medyayeke Êzdî/Kurdîtiyê de ji xwe ra dibêjin; ez șêx, pîr, mîr, rewșenbîr, vekolîner, akadamîkar, șêwirmend, qahreman, fermandar, parlementer, huqûqzane, mamoste, oldar -û hwd.- an jî birêvebir û berpirsyarên sazî, mal, komeleke civaka Êzdiyatiyê me) û bi taybetî jî sazî, deszgeh, siyasetmendar û rayedarȇn Hukumeta Herȇma Kurdistanȇ (HHK) nikarîbûn heta niha wan kes, rayedar, hȇz, rȇxistinȇn Ȇzdî/Kurdî û hwd., yȇn ku di beriya tevkujiya 03.08.14 de soza parastinȇ dabȗne xelqȇ Şengalȇ, lȇ dȗre ji soza dayîn ra xwedî derneketine û bȗne sedemȇn vê 74 qirkirina bawermendȇn ola Kurdî ya herî qedîm, ji bo raya giştî ra eşkere bikin.(*1)
Her weha gava ku ez îro hêjî dibihîzim, „gelek kurdên Bisilman di nav Kurdistanê de destkujîyên Êzdiyên ji ber fermanên dagirkirên Kurdistanê mane naxwin û bi berhemên ku Êzdî ji bo aboriya nav mala xwe difiroșin tîcaretê na kin. Gelk ji siyasetmendarȇn Hukumeta Herȇma Kurdistanȇ (HHK) naxwazin pirsgirêkên awareyên serê çîyayê Șengalê û koçberên Êzdiyan yên li nav kampan çareserbikin. HHK mûçeyên pak ji dewlemendiya petrol-gaza Kurdistanê û ji wê alîkariya ku ji welatên cihanê girtine nadine aware û derbiderên jenosida Êzdiyan û hwd.“ gelekî xemgîn dibim.
Li gorî dîtina min, ji bo ku ev pirsgirêkên nezanîyê, kiryarên kirêt, hemû nakokî û bê tifaqîya di nav me Êzdî û Kurdistaniyan de hene baș bêne çareserkirin; divê „em sedemên ku timî alozî û nakokiyan di nava netewîperestiya Kurd de peyda kirine/dikin nasbikin“*2. Divê siyasetmendar, oldar û tacirên me Kurdan(Êzdiyan)jî, ji bo berjiwendiyên kesayetiya xwe, pêxember û serokan mîna yên gelek gelên Rojhilata Navîn nekine șirîkên Xwedê. Em tev de fahmbikin, heta ku siyasetmendar, oldar û tacirên Rus, Ecem, Ereb, Tirk û Kurdan pêxember û serokan ji bona berjiwendiyên xwe, weke șirîkên Xwedê ne bidine naskirin, wê azadî û demokrasîya di nav Kurdistanê û welatên Rojhilata Navîn de jî pêșnekeve.
Ez hêvî ji Xwedȇ ȗ Tawisî Melek dikim, ew hîn zêdetir alîkariya hêzên ku berjiwendiya netewa Kurdî diparêzin bikin, da ku em bikaribin bi hêza zanîn, kiryar û tifaqa xwe, van hemû nakokî-pirsgirêkên ku li pêș û di nava civakên Kurdistanî de hene çareser bikin, herêma Șengalê jî di nav Kurdistaneke serxwebuyî de ji bo me Ȇzdiyan weke parêzgeheke Êzdîxanêye otonom bi hemû Dewletȇn Yekbuyî yên Amerîkayê(DYA) , di nav tevaya netewȇn NATO’ê û welatên cîhanê de hene bidine pejirandin ȗ bi parêzin!
Dîsa hêvîdikim ku Xwedȇ ȗ Tawisî Melek tevaya zarok, jin, mȇrȇn Ȇzdî û yên hemû Kurdperwerên ku di FERMANÊ ȘENGALÊ 03.08.14 de cangorî bûne bi dilovaniya xwe şad kiribin!
Bila serê tevaya endamên malbatên cangoriyên Șengal û Kurdistanê sax be !
Ez spasiya hemȗ kes, rayedar, hȇz, rȇxistinȇn Ȇzdîtî/Kurdîtiyȇ ȗ tevaya gelȇn cîhanȇ, yȇn ku di wextê Fermanê Êzdiyan yê 74 de ji erkȇ xweyî mirovahî ȗ netewî ra xwedî derketine/derdikevin ȗ alîkariya madî, manevî dana/didine birîndar, zarok, jin ȗ mȇrȇn Ȇzdiyȇn koçber bȗne dikim!
Kemal Tolan, Êzdînas, berhevkar û xemxwarê kevneșopên Êzdîtiyê
*Çavkanî:
https://www.facebook.com/xemxware.ezdi/posts/1795273560688317
2 https://www.facebook.com/xemxware.ezdi/posts/1779555112260162
تُتاح هذه الصورة أيضا في: Kurdî