Keçeka êzîdî: Terorîstên DAIŞê digotin hûn kafir in em nan nadin we!
BasNews – Keçeka êzîdî ya ku ji destê DAIŞê rizgar bûye, dibêje, terorîstên DAIŞê nan û av nedidan êzîdiyan û digotin “hûn kafir in!”
Keça êzîdî ya bi navê Zînê, ku havîna 2014 li gundê Koço yê Şingalê ligel gelek êzîdiyên din ji aliyê terorîstên DAIŞê ve hatibû revandin û piştî du salan karî rizgar bibe, li ser zilma DAIŞê ji heftenameya Basê re gotiye, terorîstên DAIŞê çi nema nehanîn serê êzîdiyan. Dilê wan çi dixwast dihanîn serê me. Nan û av nedidan me digotin “hûn kafir in, em nan û avê nadin kafiran!”
Zînê daye zanîn ku herî kêm 3 caran hatiye firotin û gotiye, ez ketim destê sê çekdarên DAIŞê. Cara yekem 5 mehan di destê yekê de mam, cara duyem 8 mehan di destê yekî din de û herî dawî jî di destê yekî de 2 mehan man.
Wê keça êzîdî ragihandiye, wê çend caran hewl dida ji destê DAIŞê bireve û rizgar bibe lê dihat girtin û rastî îşkenceyên giran dihat.Lê herî dawî karî xwe rizgar bike û li eniya Şingalê bigihê hêzên Pêşmerge.
تُتاح هذه الصورة أيضا في: Kurdî