Serokê hikûmeta herêma Kurdistanê Nêçîrvan Barzanî ragehand, ew rêkê nadin mînberên mizgeftan bo meremên hizbî bên bikarînan, got jî divê gotarên mamostayan digel rewşa niha biguncin.

Serokê hikûmeta herêma Kurdistanê di konfiransê, rêxistina gotara ayînî da ku ji alîyê wezareta ewqaf û karubarên ayînî ve hatibû rêxistin, bas li rolê hêzên pêşmerge di şikandina Daişê da kir û got: dîmenên nivêjkirina pêşmerge berê êrîşî Daişê biken, dîmenên rizgarkirina jinan û zarokan, nîşa diden pêşmerge xudanê rewiştekê bilinde.

Nêçîrvan Barzanî bas li rolê gringê mamostayên ayînî, di parastna navmala herêmê da kir. Dyar kir jî, nabe çi mamostayekê ayînî û hizbek rêkê bide xwe mizgeftê dijî alîyekê din bikar bînin.

Barzanî got jî: erkê hikûmetê ye çavdêrîya hemû cih û mizgeftan jî bike. Rêk nayê dan çi hizbek jî xwe bike xwedana mizgeftan. Gotarên mamostayan jî divê hevterîb bin digel rewşa niha û divê bi îradeyeka bihêz rûbrûy hizra tundirewîyê bibin.

Sebaret bi şerê Daişê û operasyona Mûsilê jî, serokê hikûmeta herêmê got: Daişi dê li demekê nêzîk jinav biçe, lê çi rêkevtinên sîyasî li Îraqê nînin bo qonaxa piştî Daişê. Lê bo herêma Kurdistanê gringe di qonaxa bê da hindek cîranên bê pirsgirêk hebin.