8 gundên êzdiyan li Rojavayê Kurdistanê hatine vala kirin!
BasNews – Li gor zanyariyên hatine ragehandin, ji ber egera êrîşên Tirkiyê ser Rojavayê Kurdistanê, 8 gundên kurdên êzdî li Rojavayê Kurdistanê hatine vala kirin.
Li gor zanyariyên çapemeniya kurd li Rojavayê Kurdistanê, di heyama wan sê rojên borî de 8 gundên kurdên êzdî ji ber êrîşên Tirkiyê yên li ser Rojavayê Kurdistanê hatine vala kirin û hemû xelkê wan gundan bo bajarê Hesekê koçber bûne.
Herwaha hat aşkera kirin, ku ew gundên kurd ên êzdî ser sînorê Tirkiyê û Rojavayê Kurdistanê ne û navê wan gundan waha ye: Sekriye, Til Benat, Eluk, Taxa Pîşesazî û Derdara û herwaha li Tirbespiyê jî gundê Til Xatûn û du gundên din jî li Serê Kaniyê ne.
Li gor agahiyên hatin belav kirin, rewşa wan kurdên êzdî ku koçber bûne naha xirabe û pêwîstiya wan bi alîkarî û çavdêriyê ye.
تُتاح هذه الصورة أيضا في: Kurdî