Serok Barzanî: Kurdistan ber bi vejînê ve diçe
Hewlêr (Rûdaw) – Serok Barzanî bi helkevta serê sala nû ya zayînî peyamek belav kir û derbarê pêvajoya siyasî ya li Herêma Kurdistanê û karûbarên saziyên Herêma Kurdistanê ragihand: “Em piştgirî li bername û karê serokatiya herêmê, parlamentoy û Hikûmeta Herêma Kurdistanê dikin bo rêvebirin û pêkanîna reforman ku daxwaza xelkê Kurdistanê û piraniya aliyên siyasî ye.”
Serok Barzanî di peyama xwe de ku îro Sêşemê belav kir, bi boneya hatina sala nû pîrozbahiyê li xelkê Kurdistanê û pêşmerge û kesûkarên şehîdan dike û amaje bi bûyerên li Herêma Kurdistanê, Iraq û navçeyê dike û derbarê Herêma Kurdistanê de dibêje: Spas ji bo xwedayê mezin û cangoriya Pêşmerge û xweragiriya xelkê, niha Herêma Kurdistanê ber bi geşbûn û çaksazî û aramiyê ve pênngavan davêje.
Serok Barzanî tekezî li ser prensîpên pêkvejiyan li civaka Kurdistanê û kûrtirkirina vê koltorê li Kurdistanê dike û destnîşan dike: Em tekez li xurtkirina prensîpên pêkevjiyanê û kûrtirkirina vê koltora bilind a gelê xwe dikin ku bûye sedema tifaq û aştî û biratiya navbera pêkahetên olî û netewî yên gelê Kurdistanê û em dê vê pêkvejiyanê wek roniya çavê xwe biparêzin.
Di peyama xwe de serok Barzanî derbarê xwepêşandanên li Iraqê de jî dibêje, em bi hemû awayî piştgirî li daxwazên rewa yên xwepêşanderan û vegera istiqrarê û rasterêbûna proseya siyasî ya Iraqê dikin û em li gel her core guhertinekê ne û em dê alîkarê her rêyekê bin ku bibe sedema çareserbûna pirsgirêkan û misogerkirina dadperwerî û daxwaziyên xelkê.
Her têkildarî rewşa Iraqê û xwepêşandanan, serok Barzanî dibêje: “Bi li berçav girtina wê rewşa nebaş ku li Iraqê heye, herdem me daxwaza çareserkirina kêşeyan û jiyanekî serbilindane ji bo hemû xelkê Iraqê kiriye û di salên derbasbûyî de gelek caran me hişyariya wê yekê daye ku Iraq berev rêyeke şaş ve diçe û me tekez li wê yekê kiriye, eger bingehên hukmekî medenî û destûr neyê bicîhkirin, Iraq tûşî çarenivîsekî nediyar dibe. Niha jî bi dilgiraniyeke zêde ve, em alozî û rûdan û pêşhatên vê dawiyê yên li Iraqê dişopînin. Em di vê baweriyê de ne ku nabe aliyên Iraqî rê bidin ku welatê wan bibe qada yekalîkirina girift û gengeşe û berjewendiyên xelkekî din.”
تُتاح هذه الصورة أيضا في: Kurdî