Mesrûr Barzanî pîrozbayî li Partiya Sosyalîst Demokrat a Kurdistanê kir

BasNews – Serokwezîrê Herêma Kurdistanê Mesrûr Barzanî bi boneya salvegera 46emîn a damezirandina Partiya Sosyalis Demokrat a Kurdistanê, peyameke pîrozbahiyê arasteyî wê partiyê kir û ragihand, “Di vê bîranînê de, tekeziyê li bihêzkirin û pêşxistina zêdetir a hevahengiya di navbera partî û aliyên siyasî yên Kurdistanî de dikin”

Serokwezîr Mesrûr Barzanî peyama xwe arasteyî Serokê Partiya Sosyalîst Demokrat a Kurdistanê Mihemed Hacî Mehmûd kir û got: “Bi boneya 46emîn salvegera damezirandina Partiya Sosyalist Demokrat a Kurdistanê, germtirîn pîrozbahî arasteyî cenabê we, serkirdayetî, endam û alîgirên partiya we ya têkoşer dikim û hêviya serkeftinê ji we re dixwazin.”

Serokwezîr Mesrûr Barzanî di peyama xwe de got jî: “Di vê bîranînê de, tekeziyê li bihêzkirin û pêşxistina zêdetir a hevahengiya di navbera partî û aliyên siyasî yên Kurdistanî de dikin, bi arasteya berevanîkirina li destkeftên niştimanî û mafên destûrî yên gelê Kurdistanê.”