OPERASYONA MÛSILÊ – Dem diyar bû
Çavkanî : rudaw
Fermandarê nû yê hêzên hevpeymanan Stephen Townsend ragihand ku dê di meha pêşiya me de operasyona kontrolkirina Mûsilê dest pê bike.
Di dîdarekî de ligel rojnameya The Wall Street Journal a Amerîkî de Fermandarê nû yê hêzên hevpeymanan Stephen Townsend got, “Meha Cotmehê operasyona rizgarkirina Mûsilê dest pê dike.”
Stephen Townsend diyar kir ku ew hêzên Iraqî yên ji aliyê hêzên hevpeymanan ve hatine perwerdekirin dê bikevin nav şerek giran û demdirêj de.
Ji aliyê din ve berdevkê operasyonên hêzên hevpeymanan Colonel John Dorrian ragihand, “Ez naxwazim dema destpêkirina operasyona Mûsilê eşker ebikim. Lê dê hikûmeta Iraqê biryara dawî bide.”
Bajarê Mûsilê dikeve 400 km bakûrê Bexdayê û duwemîn bajarê mezin ê Iraqê ye.
Mûsil ji Hezîrana sala 2014ê ve di bin destê DAIŞê de ye.
تُتاح هذه الصورة أيضا في: Kurdî