Lîwayekî artêşa Iraqê li Şingalê hat bicihkirin

Çavkanî :Rudaw

Endamê Civata Parêzgeha Nînowa Berekat Şemo ragehand ku, lîwayekî artêşa Iraqê li navbera Şingal û Telefer hat bicîkirin, jibo di şerê azadkirina Mûsilê de beşdarbibe, ev lîwa jî ji hemû pêkhateyên Iraqê pêkhatiye.

Berekat Şemo ji BasNews re ragehand: “Li gundê Aşiq li devera Eyaza li ser riya Telefer bo Mûsilê li devera Şingalê lîwayekî artêşa IRaqê hatiye bicîkiri jibo beşdarî şerê azadkirina Mûsilê bibe.”

Got jî: “Hatina leşkerên Iraqî li ser bingeha rêkeftina di navbera hikûmeta Herêma Kurdistanê û hikûmeta Iraqê de bûye, piştî azadkirina Mûsilê artêşa Iraqê li wan deverên di bin kontirola Pêşmerge de namînin û dê biçin Mûsilê jibo parastina aramiya wî bajarî.”

Navborî got: “Artêşa Iraqê bi tank û topan û çekê giran hetine, û dê bi piştevaniya Pêşmerge êrîşî Mûsilê bikin jibo azadirina wê ji çekdarên DAIŞê.”

تُتاح هذه الصورة أيضا في: Kurdî