Biryare di vê heftîyê da, civata parêzgeha Kerkûkê, rûniştineka taybet li dor Alayê Kurdistanê bike û deng li ser bi fermî bilind kirina alayê bide.

Di kongreyeka rojnamevanî da, Rêbwar Talebanî serokê civata parêzgeha Kerkûkê ragîhand; di vê heftîyê da, civat dê kombûneka taybet li dor fermî kirina biryara bilind kirina Alayê Kurdistanê li ser hemû fermangehên mîrî û kompanîyên Kerkûkê bide û bo vê yekê jî, dê wê biryarê bixe ber dengdanê, daku zêdetir babet neyê şesî kirin.

Berîya heftîyekê, Necmedîn Kerîm parêzgarê Kerkûkê, biryar dabû ku Alayê Kurdistanê li Kerkûkê bê bilind kirin û li Newroza îsal jî, bi fermî Alayê Kurdistanê li ser kelha Kerkûkê hatibû bilind kirin.

Li gorî zanyarîyan, nûnerên Kurd li civatê, dikarin bi tenê jî, nîsaba qanûnî bo kombûnê temam bikin û wê pirsê bi dengdanê yekalî bikin, lê ew dixwazin ev pirse bi tevlîbêna hemû alîyan bê yekalî kirin.