Hewlêr (K24) – Wezareta Navxwe ya Herêma Kurdistanê biryara qedexeya hatûçûnê ya di rojên cejna Remezanê de, ku hefteyek berê dabû, betal kir.

Piştî ku bi biryara Wezareta Navxwe qedexeya hatûçûnê hat betalkirin, îro parêzgariyên Hewlêr, Silêmanî û Duhokê ji bo çawaniya cîbicîkirina plana xweparêziyê, rênimayî eşkere kirin û ragihandin ku di rojên cejna Remezana pîroz de hatûçûn asayî ye û nimêja cejnê jî li gor rêkarên xweparêziyê dê were kirin.

Biryarên parêzgariyên Hewlêr, Silêmanî û Duhokê wiha ne:

1 – Di rojên cejnê de hatûçûn dê asayî be.

2 – Hemû cûre kombûn û qerebalixî qedexe ye.

3 – Nimêja cejnê li gor rênimayên xweparêziyê dê were kirin.

4 – Qedexa hatûçûna ligel bajarên Iraqê dê weke xwe bimîne.

5 – Berpirsyariya mezin li ser milên welatiyan e.

تُتاح هذه الصورة أيضا في: Kurdî