Rêveberê sayloya Kerkûkê û 15 fermanber hatin girtin

BasNews – Îro rêveberê sayloya Kerkûkê û 15 fermanberên din bi tometa wergirtina pare ji cotyaran ji aliyê polîs ve hatin girtin.

Rêveberê kiştûkal li Kerkûkê Zuhêr Elî ji BasNewsê re ragehand: ‘’Îro 12.06.2021ê rêveberê sayloya Kerkûkê û 15 fermanberên sayloyê li ser gendelî û wergirtina pare ji cotkaran di demsala dirûnê de hatin girtin.’’

Herwaha got: ‘’Rêveberê sayloyê û fermanberên din awayê neyasayî pareyekî zêde ji cotkaran wergirtine û piştî girtina wan ji aliyê polîs ve dosyaya wan radestî dadgehê hate kirin.’’

Berdevkê polîsê Kerkûkê Amir Nûrî ji ji BasNewsê re ragehand: ‘’Ev dosyaye sivîl e û derbarê vê dosyayê de lêkolîn tê kirin.’’