Mesrûr Barzanî: Rûyê herî geş ê Herêma Kurdistanê pêkvejiyana aştiyane ye
BasNews – Serokê Hikûmeta Herêma Kurdistanê peyamek pîrozbahiyê bi boneya Cejna Ekîto û sersala olî ya gelê Kildan – Aşûrî li Kurdistan û Iraqê belav kir.
Îro 01.04.2023yê Serokê Hikûmeta Herêma Kurdistanê Mesrûr Barzanî peyamekî pîrozbahiyê belav kir û ragehand: ‘’Bi boneya Cejna Ekîto û sersala Babîl Aşûrî pîrozbahiyekî germ li gelê Kildan – Aşûrî yê li Kurdistan û Iraqê dikim û hêvîdarim sala nû bibe sala aştî û aramî û jiyaneke xweş û dawî hatina hemû nexwaşiyan be.
Di beşeke din a peyama xwe de Serokê Hikûmetê ragehand: ‘’Yek ji rû ango sîmayên herî geş ê Herêma Kurdistanê, pêkvejiyana aştiyane ya di navbera pêkhateyên olî û netewên cuda de ye. Hêvîdarim ev pirrengî û yekbûna heye, zêdetir pêşbikeve û em hemû bi hev re kar ji bo zêdetir pêşxistina Kurdistanê bikin.
Serokwezîr Barzanî got: Cejna Ekîto pîroz be û hêvîdarim her sal bi xweşî û şadî ve em vê cejnê pîroz bikin.
SA
تُتاح هذه الصورة أيضا في: Kurdî