تۆرا لالش
ل رێكهفتی 6/3/2026، شاندهكێ بڵندێ بنگههێ لالش یێ ڕهوشهنبیری و كۆمهڵایهتی ب سهرپهرشتییا بهرێز “سهعید جردۆ”، سهرۆكێ بنگههی و ب ئامادەبوونا ژمارەکا ئهندامێن دهستهیا بڵند و تای و نڤیسینگههێن ب سهرڤه،
ل ناحیا باعهدرێ پشكداری د ڕێورەسمێن جەژنا “نیشانا” دا کرن.
عیدا نیشانا؛ سیمبۆلا پاراستنا پیرۆزییان
جەژنا نیشانا، هەڵکەفتەکا مێژوویی و پیرۆزە د ناڤ جڤاکێ ئێزدی دا، کو بیرئانینا ڕزگارکرن و ڤەگەڕاندنا “نیشان، تاوس و خەلاتێن پیرۆز”ە پشتی وێ تالانی و فەرمانێن ب سەر مال و مەزارگەهێن ئێزدیان دا هاتین، ئەڤ جەژنە نیشانا خۆڕاگری و پاراستنا ناسنامەیا ئایینی یە بەرامبەر هەموو هەوڵێن ژناڤبرنێ.
دیرۆکەکا ١١٢ ساڵی
ئەڤ رێورەسمە بۆ ئێکەم جار ل ساڵا ١٩١٣ێ دەستپێکریە و هەتا ئیرۆ ب بەردەوامی و ب کەیفخۆشی ل باعهدرێ دهێتە ساخکرن، کو ئەڤ ساڵە ١١٢ ساڵ ب سەر دەستپێکرنا وێ دا تێپەڕ دبن.
رۆژ ژمێرا جەژنێ
ل دویڤ رۆژژمێرا رۆژهەڵاتی (شەرقی)، ئەڤ جەژنە دکەفتە ڕێکەفتی ٢١ێ شواتا ڕۆژههلاتی، کو ل دووڤ رۆژژمێرا زایینی دکەفیتە ٦ی ئادارا هەر ساڵەکێ، و ب ئامادەبوونا کەسایەتیێن ئایینی و جڤاکی ل پایتەختێ میرگەهێ (باعهدرێ) دهێتە گێڕان.
پەیاما بنگەهێ لالش: پشکداریا مە د ڤان هەڵکەفتان دا، تهكهزی كرنه ل سەر پاراستنا ئێزدیاتیێ و کەلتوورێ رەسەنێ ئێزدیان و بلند ڕاگرتنا وان مێژوویێن کو ب خوین و خۆڕاگریێ هاتینە نڤیسین.
تُتاح هذه الصورة أيضا في: کوردی