تۆرا لالش
ل ڕۆژەکا وەکی ئیرۆ و ل ڕێکەفتی 16/3/1988، وهلاتێ مه رووبرووی ئێک ژ دڕەندەترین تاوانێن سەدەیێ بیستێ بوو، دەمێ ڕژێما بەعسا گۆڕبەگۆڕ ب چەکێ قهدهغهكری یێ کیمیایی هێرشی سەر باژێرێ هەلەبچە کری. ئەڤ تاوانە، کو د چەند خولەکێن کێم دا گیانێ هزاران مرۆڤێن سڤیل و بێگوننەهــ کێشایی، برینەکا کوورە د دلێ مللەتێ مە و هەموو مرۆڤایەتیێ دا.
ئەم وەک بنگەهێ لالش یێ ڕەوشەنبیری و کۆمەڵایەتی، د ڤێ یادا جەرگبر دا ب رێزڤه سهرێ نهوازشێ بۆ گیانێ پاكێ شههیدێن ههلهبچە و تهڤایا شههیدێن بزاڤا ئازادیخوازا گهلێ كوردستانێ دچهمینین و ڤێ ههلكهفتێ ل بیر دئینین.
هەلەبچە ب تنێ بزاڤەک نەبوو بۆ ژناڤبرنا ناسنامهیا کوردستانی، بەلکو تاوانەک بوو دژی مرۆڤایەتیێ و هێرشەکا دڕندانە بوو بۆ سەر ئیرادەیا گەلەکێ کو ب تنێ داخوازا ژیان و ئازادیێ دکر.
تهكهزیێ ل سەر پێدڤییا ناساندنا ڤێ تاوانێ وەک (جینۆساید) ل سەر ئاستێ جیهانی دکەین، دا کو ببتە ڕێگر ل هەمبەر دووبارەبوونا ڤان جۆرە تاوانێن هوڤانە دژی كوردستانێ.
نەمر و سەرفەرازی بۆ شەهیدان، ڕووڕەشی و شەرمەزاری بۆ دوژمنێن مرۆڤایەتیێ.
دەستەكا بلند یا بنگەهێ لالش یێ ڕەوشەنبیری و کۆمەڵایەتی/دهۆك
16ێ ئادارا 2026
تُتاح هذه الصورة أيضا في: کوردی