تۆرا لالش
ل دەف مە ئێزدییان، پرۆسەیا ژن ئینان و شووکرنێ تنێ گرێبەستەکا جڤاکی نینە، بەلکو دوو قۆناغێن تەمامکەرێن ئێک و دوونە کو ناسنامەیا ئایینی و یاسایی ب هەڤژینیێ پێكدئینن، دەمێ کچ و کور دگەهنە ژیێ یاسایی (18 سالی)، بەحسێ ئاڤاکرنا خێزانێ گەرم دبت، لێ بەری هەر پێنگاڤەکا فەرمی و چۆن بۆ دادگەهێ، پێدڤییە رێورەسمێن “مارهبڕینێ” بهێنە ئەنجامدان.
پێگههێ شێخێن شێخ حەسەن
مارهبرین ل مالا شێخێن شێخ حەسەن دهێتە کرن، کو ئەڤە وەک بنەمایەکێ پیرۆز دهێتە هەژمارتن، ل وێدهرێ ب ئامادەبوونا دوو دیدەڤانان، شێخ ئێكسهر پرسیارێ ژ کچ و کوری دکەت کا د رازینه ل سەر وێ هەڤژینیێ هەیە یان نە، ئەڤ پرۆسەیە ل سەر بنەمایێ رازیبوونا هەردو لایان دهێتە ئاڤاکرن.
رێورەسم و پیرۆزی
ئەگەر بەرسڤا هەردو لایان “بەلێ” و رازیبوون بوو، دێ ب رێورەسمەکا ئاینی کەڤتە دەستێ وان و شێخ دۆعایا مارهبڕینێ ل سەر دخونت، پشتی پیرۆزباهی دهێنە کرن، تۆمارەکا تایبەت و فۆرمەکا نڤیسی کو ب مۆر و ئیمزایا شێخی هاتیە خەملاندن، دهێتە دان بۆ بوک و زاڤایی.
ژ جڤاکی بۆ یاسایی
ئەڤ فۆرمە دبتە بەلگەیەکا فەرمی داکو پاشان کچ و کور بەرەڤ دادگەهێ بچن و ماڕەبرینا خۆ ب شێوەیەکێ یاسایی جێگیر بکەن، ئەڤە نیشان ددەت کو جڤاکێ مە یێ ئێزدی، چەند ب گرنگیێ ب رەهەندێن ئاینی دکەت بەری یێن کارگێڕی.
د هەمان دەم دا، رەوشەنبیرییا جڤاکی یا ل دۆر خواستنێ بەرەڤ گوهۆڕینێ چوویە؛ ئەگەر جاران کچێ تنێ بۆ هەڤالێن خۆ بەحسی ئەڤینێ کربت، ئیرۆ هێشتا رێزگرتن بۆ بڕیارا خێزانێ و دایک و بابان وەک کلتورەکێ جوان ل دەف کچێن مە یا مای.
پشتی ئەڤ هەموو قۆناغە ب دوماهی دهێن، هنگێ ئاهەنگ و رێورەسم دی ل مالا زاڤای دهسپێدكهن.
تُتاح هذه الصورة أيضا في: کوردی