3 keçên Kurdên Êzdî ji destê DAIŞê hatin rizgarkirin
BasNews
Rêveberê Nivîsingeha rizgarkirina revandiyên Kurdên Êzdî ji destê DAIŞê ragehand ku, bi hevkariya xêrxwazan Xidir û Berekat careke din me karî 3 keçên Kurdên Êzdî ji taxa Abar a bajarê Mûsilê ji destê DAIŞê rizgarbikin û giheştin nava malbatên xwe li Dihokê.
Rêveberê Nivîsingeha rizgarkirina revandiyên Kurdên Êzdî ji destê DAIŞê Hisên Qaidî ji BasNewsê re ragehand ku, îro, Înê her 3 keçên Kurdên Êzdî yên ku, hatine rizgarkirin xelkê Şingalê ne û bi navê Sozan, Zehre Heyder Seîd ji xelkê Solaxê ne li qeza Şingalê û Ehlam Xêro Hecî keçeke zaroke ji xelkê Herdanê li qeza Şingalê ye, da zanîn ku, îro, her 3 bi piştevaniya Serokê Hikumeta Herêma Kurdistanê hatin rizgarkirin.
Herwiha Hisên Qaidî da zanîn ku, heta niha 3060 revandiyên Kurdên Êzdî ji destê DAIŞê hatine rizgarkirin û dê li ser rizgarkirina ewên mayîn jî berdewam bin.
تُتاح هذه الصورة أيضا في: Kurdî