Li Amerîkayê yekem pêngava yasayî bo naskirina serxwebûna Kurdistanê!
Hewlêr (Rûdaw)
Kongirêsmanê Amerîkî, Trent Franks projeyasayek derbarê Kurdistanê de pêşkêşî kongirêsa welatê xwe kir, ku têde daxwazê dike, Amerîka piştevaniya referandum û serxwebûna Herêma Kurdistanê bike.
Li gorî daxuyaniya Komîteya Karûbarên Derve ya Kongreya Amerîkayê, Trent Franks projeya xwe pêşkêşî kongirêsê kiriye û naveroka projeya xwe jî eşkere kiriye.
Di wê projeyê de hatiye, ji mafê xelkê Herêma Kurdistanê ye ku çarenivîsa xwe diyar bikin û bibin xwediyê welatekî xwedan serwerî.
Franks di pirojeya xwe ya ji bo kongirêsê de dibêje, di demekê de ku Netewên Yekbûyî û saziyên navdewletî û navendên cuda dibêjin, ku diyarkirina çarenivîsê mafê her kesê/î ye, divê xelk azad be ji bo gotina nerîna xwe û hebûna çand û aboriya xwe ya taybet.
Franks herwiha dide xuyakirin, ku li gorî rêkevtinên Parîs û Viyenna, mafê Herêma Kurdistanê ye, ku serbixwe be û tekez dike ku kurdan tevahiya bingehên ragihandina serxwebûnê weke Ziman, Ol, Etnîk, Çand û Dîrokê hene.
Ew kongrêsmanê amerêkî herwiha dibêje, ku kurdan ew yek nîşan dane ,ku hevpeymanên herî bihêz ên Amerîkayê ne û di şerê li dijî DAIŞê de serkevtinên mezin bi dest xistine û dide xuyakirin, ku pêşmergeyan 2 hezar şehîd û 9 hezar birîndar dane, ji ber wê jî pêwîst e Amerîka îtîrafê bi qûrbanîdan û mafê mirov û mafên exlaqî û yasayî û çarenivîsê ji bo gelê Kurdistana Iraqê bike.
تُتاح هذه الصورة أيضا في: Kurdî