Duhok- Rêjeya vaksînkirinê zêde bûye
BasNews– Li parêzgeha Duhokê rojane 800-1000 kes vaksîna COVID-19 werdigirin û hejmarek berfireh ji welatîyan seredana bingehên vaksinkirinê dikin.
Li parêzgeha Duhokê jibo vaksînkirina welatîyan 7 bingehên taybet hatine danîn.
Endamê Rêvebirê Saxlemîya Duhokê Hemze M. Alî dibêje ku niha 51,700 kes vaksîn wergirtine û vê dawîyê ew hejmar ber bi zêdebûne diçe.
Herwiha Hemze Dr. M. Alî ji VOAyê re gotiye: “Piştî wergirtina vaksînê rêjeya tuşbûyan ber bi kêmbûnê diçe jiber ku di vê dema sala par rojane nêzî 400-500 kes tûşî nexweşîyê dibûn, lê ew hejmar niha rojane 150-200 kes in û rêjeya mirinê ber bi kêmîyê diçe.”
Herwiha Dr. M. Alî dibêje ku li bingehên vaksînê hin merc hene û di qonaxa yekê de bo wan kesan yên vaksîn bo tê dayin. Nabe vaksîn bo jinên ducanî û kesên ji 18 salî biçûktir hebe û kesên tûşî koronayê bûn divê piştî 4 hefteyan jinûve vaksînê wergirin.”
Cîhê bîrxistinê ye ku rêvebirîya saxlemîya Duhokê ragihandibû ku di 24 saetên dawî de 157 kes tûşî koronayê bûne û 102 nexweş bi temamî qenc bûne û 2 nexweş ji canên xwe ji dest dane.
تُتاح هذه الصورة أيضا في: Kurdî
