Mîr Mihemed Salih Bedirxan (1915 – 1874) û rojnameya Ummîd û Yekbûn
Di 118 saliya roja rojnamegeriya Kurdî de Silav bo Mîrzade (Sînemxan Celadet Bedirxan)
Konê Reş
Bedirxaniyan gelek komele û dibistan damezirandin, gelek kovar û rojname weşandin, hem jî bi saya wan gelek navend û enstîtu ji gelê kurd re hatine avakirin. Werin, îro em berê xwe bidin Mîr Mihemed Salih Bedirxan (1915 – 1874) bavê Rewşen xanim Bedirxan û hin ji bizav û çalakiyên wî di warê rojnamegeriyê de. Wî jî wek pismamên xwe du rojname weşandine, yek li Qahîre bi navê (Ummîd) û yek li Stenbolê bi navê (Yekbûn): Ummîd (1900) Rojnameyek 15 rojî bû, cihê weşandina wê li Qahîra bû, xwedî û berpirsyarê wê Mîr Mihemed Salih Bedirxan bû, hejmara (1) ê di êlûna 1900 î de çap bûye. Yekbûn (1913) Rojnameyeke kurdî û tirkî bû, di hefteyê de du caran dihat weşandin; cihê weşandinê Stenbol bû; di sala 1913an de hejmara (1) ê derketiye; xwedî û berpirsyarê wê Mîr Mihemed Salih Bedirxan bû.
Konê Reş, Qamişlo, 22.04.2016
تُتاح هذه الصورة أيضا في: Kurdî