گۆرێن ب كۆمێن زێدەتر یێن ئێزدیان ل شنگالێ و دەوروبەران دئێنە دیتن
ئاژانس-KDP.info
ئاژانسا رۆیتەرز راپۆرتەك ل سەر جینۆسایدا ئێزدیان ل شنگالێ بەلاڤكریە، كو ئاماژێ ب گۆرێن ب كۆم ل وێ دەڤەرێ دكت.
راپۆرتێ گفتوگۆ لگەل ژمارەیەكا قوربانیێن چالاكڤانێن مافێ مرۆڤی ئەنجام دایە كو ل بەشەكی دا ئاماژێ ب گۆرێن ب كۆم ل وێ دەڤەرێ دكت كو داعش هەلكوتایە سەر و جینۆساید تێدا بەرپا كریە.
ئاماژە ب هەبوونا چل گۆرێن ب كۆم دكت ژلایەكی و ژ لایەكێ دیڤە دبێژت ب سەدان جه هەیە كو لاشێن دوو كەس و چەند كەسان تێدانە.
راپۆرتا رۆیتەرز ئاماژێ ب وێ چەندێ ژی ددەت، كو كوردان ل هەیڤا نۆڤەمبەرا سالا بۆری شنگال ئازاد كر و ژوی وەختی ڤە نیشانێن هەبوونیا گۆرێن ب كۆم و هێلێن سۆر و ئەنجامدانا تاوانان كێشاینە ب دۆرماندۆری وان جهان دا هەتا دەستكاریێ تێدا نەكن و ل داهاتی دا كار ل سەر بێتە كرن.
هەروەسا بەحسێ وێ یەكێ دكت ل هەندەك دەڤەرا كو تاوانا كوشتنا بكۆم تێدا روودایە وەك حەردان و گومەز، هندەك ل ئەرەبێن سوننە چووبوون بەری ل گەهشتنا داعش داخواز ژ خەلكێ كربوو چەكی دانێن،چنكو وی وەختی داعش وان ئازار نادەت،ب ڤی شێوەی كارین بچن و رادەستی داعشان بكن.
تُتاح هذه الصورة أيضا في: کوردی