31 هزار ئافرهتێن ب دوگیان ل ناوچێن داعشێ ههنه
وار
ئاژانسا یورۆپۆل هۆشدارییا زڤڕینا داعشێن ئهورۆپی دكهت و دیاركر 31 هزار ئافرهتێن ب دوگیان ل ناوچێن داعشێ ههنه.
رۆژناما ئێندپێندت یا بریتانی راپۆرتا سالانه یا ئاژانسا یورۆپۆل یا تایبهت ب ئێمناهیێ ڤه ل ئێكهتییا ئهورۆپی بهلاڤكر و راگههاند 31 هزار ئافرهتێن ب دوگیان ل ناوچێن بن دهستههلاتا رێكخستنا تیرورستییا داعشێ ههنه، و دراپورتێ دا هاتییه: 50 زاڕۆیێن ئهورۆپی ل بن حوكمێ داعشێ دژین و پڕانییا وان ب رهگهز هۆلهندی نه.
ههروهسا هاتییه: ههژمارا چهكدارێن ئهورۆپی یێن د ناف داعشێ دا زێدهبووینه، پشتی 5 هزار وهلاتیێن ئهورۆپی چووینه ئێراقێ و سووریێ.
ل دوماهیێ ژی راپۆرتێ هوشدارییا زڤڕینا وان كهسان بۆ ئهورۆپا دكهت، چ ب رێیا بهرههڤكرنا چهكداران یان ژی، پشتهڤانیا دارایێ یان بهلاڤكرنا هزرێن توندڕهو.
تُتاح هذه الصورة أيضا في: کوردی