ب ئامادەبوونا پەرلەمانتارێن كوردستانێ،یادا كارەساتا ئێزدیان ل خانكێ هاتە ساخكرن
تۆرا لالش یا راگەهاندنێ
ب ئامادەبوونا بەرێز”ئۆمێد خۆشناو” سەرۆكێ فراكسیۆنا زەرد وكۆمەكا پەرلەمانتارێن فراكسیۆنی ل پەرلەمانێ كوردستانێ و بەرێز”شێخ شامۆ”ئەندامێ پەرلەمانێ كوردستانێ وسەرۆكێ دەستهیا بلندا بنگەهێ لالش،رێورسمێن ساخكرنا كارەساتا شنگالێ ل كۆمەلگەها خانكێ هاتنە گێران.
ئیرۆ 2ئابا2016، بنگەهێ لالش تایێ خانكێ رابوو ب رێكخستنا چالاكیەكێ بۆ ساخكرنا یادا كارەساتا شنگالێ ل كۆمەلگەهێ،پشتی خۆلەك رێزگرتن ل سەرجانگۆریێن كوردستانێ و كارەساتا شنگالێ و سەر كاروانێ وان بارزانیێ نەمر ،دەست ب گێرانا رێورسمان هاتە كرن.
دپەیڤەكێ دا “شێخ شامۆ”ئەندامێ پەرلەمانێ كوردستانێ وسەرۆكێ دەستەیا بلندا بنگەهێ لالش ب درێژی ئەگەر و ئەنجام و كارەساتا شنگالێ ب شێوەیەكێ گشتی شرۆڤەكر و داخواز و ئازار و دەرد و گازندێن خەلكێ ئینانە زمان.
ل دووڤ دا چالاكیێن هۆنەری چ ب ستران گۆتن و هۆزان خووندن درێژی ب ئەنجامدانا چالاكیان هاتە دان.
هەر دڤی رۆژێ دا،بنگەهێ لالش تایێ خانكێ ب فەر دیت 15 هەلبژێرێن كەمپا یێن خۆبەخش دناڤ خەلكێ دا كار دكرن و هاریكاری پێشكێش دكرن،خەلاتەكێ رێزلێنانێ پێشكێشى وان بكت.
تُتاح هذه الصورة أيضا في: کوردی