نڤیسینگەها لالش مەهەتێ خۆلەكا بهێزكرنێ بۆ قوتابیان ڤەدكت 
تۆرا لالش یا راگەهاندنێ
نڤیسینگەها لالش مەهەتێ ب هەماهەنگی دگەل بنگەهێ وەرزش و لاوێن شێخان،خۆلەكا بهێزكرنا مادێ فیزیائێ بۆ ٣٠قوتابێن سیێ بنەرەت ڤەكر.
ب ئامادەبوونا “ئازاد ئسماعیل”كارگێرێ لقێ20یێ پارتی و بەرپرسێ نڤیسینگەها رێكخراوێن جەماوەری وپیشەیی و “ڤیان شێخ میرزا” كارگێرێ لقێ و بەرپرسێ ناوچا شێخان و “شیرزاد غازی”رێڤەبەرێ رێڤەبەریا بنگەهێ وەرزش و لاوێن شێخان و”خدر عەلی مادو و”حازم هادی” بەرپرسێن رێكخراوێن دێرسم و شەهید محمود ئێزدی وكادرێن ناوچا شێخان،ئیرۆ 4/8/2016،ئەڤ خۆلە هاتە ڤەكرن.
هەر ب ڤێ هەلكەفتێ بەرێز”ئازاد ئسماعیل و “شێخ ڤیان” پەیڤێن جودا بۆ قوتابیێن بەشداری ڤان خۆلێن خووندنێ بووین پێشكێشكرن و تێدا سوپاسیا نڤیسینگەها لالش مەهەتێ و بنگەهێ وەرزش و لاوێن شێخان كرن و ب ئەركەكێ پارتی و لقێ 20 دانە خویاكرن هاریكار وپشتەڤانیا خووندنێ بكن تایبەت بۆ قوتابیێن ئاوارە.
ژئالیێ خۆڤە”مەهدی حەسەن”بەرپرسێ نڤیسینگەها لالش سوپاسیا نوونەرێ لقێ20 و ناوچا شێخان و هەڤالێن دگەل دا كر،ژبۆ ئامادەبوویا وان ل رێ ورسمێن ڤەكرنا خۆلا فیزیائێ و رێڤەبەرێ بنگەه و وەرزشێ و لاوێن شێخان كر و داخوازا سەركەفتنێ بۆ قوتابیێن بەشدار خواست.
هەر دچارچۆڤێ بزاڤ و چالاكیێن نڤیسینگەها لالش مەهەتێ ل بەرنامێ رۆژا چارشەمبوویێ دا،نڤیسینگەها لالش ب هەماهەنگی دگەل بنگەهێ وەرزش و لاوێن شێخان،ئیرۆ 4/8/2016، خۆلەكا ب هێزكرنا مادێ ئنگلیزیێ ب داوی ئینا،كو ل رێككەفتی 3/7/2016بۆ 35قوتابیێن پۆلا شەشێ زانستی یێن ئاوارە ل كۆمەلگەها مەهەتێ هاتبوو ڤەكرن.
تُتاح هذه الصورة أيضا في: کوردی