برێت مهكگورك: كوردان دهرفهتهكا دیرۆكی ل پێشه، لێ شیر و تیر بۆ ئێك دوو راكرینه
وار-دهوك:
نوونهرێ تایبهتێ سهرۆكێ ئهمریكا د شهڕێ دژی داعشێ دا برێت مهكگورك راگههاند، كوردان دهرفهتهكا دیرۆكی ل پێشه، لێ ههرسێ لایهنێن سهرهكیێن ههرێما كوردستانێ ناكۆكن و شیر و تیر بۆ ئێكو راكرینه.
مهكگورك، د دیدارهكا ههڤپشكدا دگهل ژهنهرال دهیڤد پترایۆس، سهرۆكێ پێشتر یێ دهزگههێ ههوالگرییا ئهمریكا سی ئای ئهی، باس ل روودانێن سووریێ و رۆژئاڤایێ كوردستانێ كر و گۆت: د دهمهكی دا داعشێ ههموو باكۆرێ سووریێ كونترۆلكربوو، بهرێ ههموو تیرۆرستێن خوه ژی دابوو كۆبانێ، ئهمریكا شیا توركیا رازی بكهت بۆ هنارتنا هێزێن پێشمهرگهی بۆ پشتهڤانیكرنا هێزێن كوردی ل كۆبانێ.
مهكگورك دیاركر ژی، ل كۆبانێ كورد ههموو بوونه ئێك، دنها دا دهرفهتهكا دیرۆكی ل پێشییا كوردانه، لێ سێ ئالیێن سهرهكی یێن ههرێما كوردستانێ، كو مهرهما وی گۆڕان، ئێكهتی و پارتینه، شیرو تیر بۆ ئێكو دو راكرینه، پتری سالهكێ یه پهڕلهمانێ كوردستانێ كۆم نهبوویه، چونكی رێ ب سهرۆكێ پهڕلهمانی ناهێته دان بچیته ههولێرێ.
تُتاح هذه الصورة أيضا في: کوردی