کۆمپانیایا “BMW” دروستکرنا ماتۆرەکا زیرەک راگەهاند
ئێن ئارتى
کۆمپانیایا “BMW” یا ئەڵمانی دروستکرنا ماتۆرەکا زیرەک راگەهاند کو د پاشەرۆژێ دا دێ ئێخیتە بازاری ڤە کو ئەو ماتۆر ب خوە دێ هەڤسەنگیا خوە راگریت بێی کو پێدڤی ب هندێ بکەت سوکانێ ماتۆرێ بهێتە گرتن.
لگۆری رۆژنامەیا “Daily mail” یا بریتانی، ئەو ماتۆرا نوو کو ب “Motorrad Vision Next 100” هاتیە ناڤکرن، تایبەتمەندییا هەڤسەنگیا خوە و هاژۆتنا ئارامیێ بۆ هاتیە زێدەکرن بێی کو پێدڤی بکەت شۆفێرێ وێ کولاڤ ل سەرێ خوە بکەت ئان کو ل سەر سەرێ خوە دانێت.
کۆمپانیایا ناڤبری بەرچاڤکێن تایبەت ب شۆفێرێن وان ماتۆران دروست کرینە کو دەربارێ رێیێ زانیاریان ب شۆفێرێ وێ ددەت بێی کو پێدڤی بکەت د دەمێ هاژۆتنێ دا ل گێچا ماتۆرێ بنێریت.
ئیدگار هاینریش رێڤەیەرێ دیزاینکرنا وێ ماتۆرێ ل وێ کۆمپانیایێ راگەهاند کو جیهان گەلەک ب لەز دهێتە گوهرێن و پێدڤی ب چارەسەرێن نوو هەنە.
هەروەسا ئاماژە ب وێ ئێکێ ژی دا، ئارمانجا “BMW” خوە د دانانا چارچۆڤەیەکی بۆ پاشەرۆژا موحەرک و تەکنەلۆژیایێن نوو دا دبینیت.
ئەڤ ماتۆرا هەنێ د ئاهەنگێ هەلکەفتا ١٠٠ سالیا دامەزراندنا کۆمپانیایا “BMW” دا هاتە راگەهاندن کو ژ سالا ١٩١٦ێ وەرە دامەزریایە.
تُتاح هذه الصورة أيضا في: کوردی