ئاشتن کارتەر: شەرێ مووسل ل گۆرى پلانێ ب رێڤهدچت
رووداو- هەولێر
وەزیری بەرگریی ئەمریکا ستایشی هێزە عێراقییەکانی کرد لە بەرامبەر ئەو رۆڵەی لە شەڕی کۆنترۆڵکردنەوەی موسڵدا دەیگێڕن و راشیگەیاند، شەڕەكە بەگوێرەی پلان بەڕێوەدەچێت.
ئاشتن کارتەر، وەزیری بەرگریی ئەمریکا (پێنتاگۆن) رایگەیاند، ئۆپەراسیۆنی کۆنترۆڵکردنەوەی موسڵ بەگوێرەی ئەو پلانە بەڕێوەدەچێت کە داڕێژراوە. دەشڵێت، هێزە عێراقییەکان بە پاڵپشتی هاوپەیمانێتی نێودەوڵەتی دژ بە داعش پێشڕەوی باشیان کردووە.
كارتەر تیشکی خستەسەر رۆڵی رووسیاش لە شەڕی دژ بە داعشدا و رایگەیاند، مۆسكۆ دەڵێت، دەیەوێت لە کۆتاییهێنان بە شەڕی ناوخۆی سووریا و تێکشکاندنی داعشدا یارمەتیدەر بێت، بەڵام راستییەکەی ئەوەیە لە شەڕی دژ بەو رێکخراوە تووندئاژۆیەدا کەمترین رۆڵی هەبووە و هۆکارێکیش بووە بۆ گەورەترکردنی قەیرانی سووریا.
ئەمریکا سەرۆکایەتی هاوپەیمانێتیەکی نێودەوڵەتی دژ بە داعش دەکات، کە 68 وڵات تێیدا ئەندامە.
رووسیا لە کۆتایی ئەیلوولی 2015دا بڕیاریدا بەشێوەیەکی راستەوخۆ بەشداری لە شەڕی ناوخۆی سووریادا بۆ پشتیوانی حكومەتی ئەو وڵاتە بکات، بۆ ئەو مەبەستەش سەتان سەرباز و دەیان فڕۆکەی بۆ سووریا گواستەوە.
تُتاح هذه الصورة أيضا في: کوردی