كەسایەتیێن كۆمەلگەها مەهەتێ سوپاسیێن خۆ ئاراستەی سەرۆكێ دەستەیا بلندا بنگەهێ لالش دكن
تۆرا لالش یا راگەهاندنێ
كەسایەتیێن كۆمەلگەها مەهەتێ،سوپاسیێن خۆ ئاراستەی بەرێز”شێخ شامۆ”سەرۆكێ دەستەیا بلندا بنگەهێ لالش یێ رەوشەنبیری و جڤاكی ل دهۆكێ دكن،بۆ دابینكرنا پێتڤی و نووژەنكرن و چاڤدێریكرنا هۆلا لالش ل دەڤەرێ.
دنڤیسارەكێ دا،نڤیسینگەها لالش مەهەتێ و سەرجەم ئەندام و لایەنگرێن لالش و موختار و مجێور و كەسانێن ئاینی ل كۆمەلگەها مەهەتێ،سوپاسیێن خۆ ئاراستەی بەرێز”شێخ شامۆ”سەرۆكێ دەستەیا بلندا بنگەهێ لالش یێ رەوشەنبیری و جڤاكی ل دهۆكێ دكن،بۆ دابینكرنا 100كورسییان و پێتڤیێن هۆلا لالش و نووژەنكرن و چاڤدێریكرنا وێ.
ئەڤ پێنگاڤێن “شێخ شامۆ” بووینە جهێ خۆشحالیا خەلكێ كۆمەلگەها مەهەتێ،ئەڤ سالە بۆ جارا سیێ خزمەتا كۆمەلگەهێ دئێتە كرن.
هەروەسا ژبۆ زێدەتر خزمەتكرنا خەلكێ كۆمەلگەها مەهەتێ ب چاڤدێریا”شێخ شامۆ” دوو هۆلێن جڤاكی دهێنە سەخبێركرن ب ڤی شێوێ ل خوارێ:
1.چێكرنا سێوانەكا چینكویی (جملۆن) ب درێژایا (16م)م و فرەهیا(8,5) مەترا و راستكرن و سەبكرنا عەردێ هۆلا لالش مەهەتیێ.
۲ .دروستكرنا قەنەپا بۆ هۆلا موقبلێ ل مەهەتێ ب درێژاهیا ( 69م) ژ جۆرێن باش
3.ئینانا (١٠٠) كورسیێن پلاستیك بۆ هۆلا لالش مەهەتێ.
ب ڤان هەر سێ كاران ئەڤ دوو هۆلە دێ زێدەتر د خزمەتا بیرەوەریێن جڤاكی یێن خەلكێ مەهەتێ دا بن ، لەوما ریهـ سپی و كەسایەتی و خەلكێ دەڤەرێ،سوپاسیێن خۆ درێیا نڤیسینگەها مەدا د گەهینن سەرۆكێ دەستەیا بلندا بنگەهێ لالش.
تُتاح هذه الصورة أيضا في: کوردی