دوو سەرتراشێن ئێزدی بێ بەرامبەر خزمەتا پەنابەران ل ئەلمانیا دكن
تۆرا لالش یا راگەهاندنێ
پشتی كارەساتا ب سەرێ ئێزدیان ل شنگالێ دا هاتی و ب هەزارەهان ئێزدی كۆچبەری دەرڤەی وەلاتی بووین و ل هەمبەر خزمەتكرنا وان،دوو سەرتراشێن ئێزدی بێ بەرامبەر خزمەتا پەنابەرێن ئێزدی ل وەلاتێ ئەلمانیا دكن.
سەرتراش”خدر موراد”ئاكنجیێ كۆمەلگەها خانكێ یە و نۆكە ل وەلاتێ ئەلمانیا دژیت،بۆ رۆژناما دەنگێ لالش دبێژت:”ئەڤە بەری 17 سالانە كارێ سەرتراشینێ دكەم بەری نۆكە ل خانكێ من سەرتراشخانەك هەبوو و ئەڤ كارە دكر و خزمەتا خەلكێ كۆمەلگەهێ دكر،پشتی من قەستا ئەلمانیا كری دگەل هەڤكارێ خۆ یێ سەرتراش”حاكم بسو” خزمەتا خەلكێ خۆ و یێ بیانی ژی دكەین و سەرتراشخانەك ب ناڤێ( Star hair style )ل وی وەلاتی مە ڤەكریە،پشتی ئەڤ كارەساتا ب سەرێ مللەتێ مە هاتی و قەستا ئەلمانیا كرین وەك ئەركەك ل سەر ملێ مە بێ بەرامبەر خزمەت پێشكێشی وان دكر و سەرێن وان دتراشین”.
تُتاح هذه الصورة أيضا في: کوردی