سینەماكارەكا ئێزدی:جڤاكێ مە رێزێ ل ژنێ دگرت
تۆرا لالش یا راگەهاندنێ
ئەكتەر و سینەماكارا ئێزدی(“دێژین جەمیل” ب ئێكەم سینەماكارا ئێزدی دئێتە ناسكرن ل پارێزگەها دهۆكێ دژیت،بۆ رۆژناما دەنگێ لالش دیاركر:”نۆكە كار دفلمێ(خەونەك بەری مرنێ) دكەم كو دەربرینێ ژ ژیانا پێشمەرگەی دكت،هەروەسا پەیاما من بۆ كچێن ئێزدیان ئەوێن حەز ل سەر كارێ سینەمایێ هەیین بلا ژ چ نە ترسن و كاربكن،چنكو جڤاكێ مە رێزێ ل ژنێ دگرت و چ جار دەست ژ كارێ ئەكتەریێ بەرنادەم”.
دێژین جەمیل دیاركر:”د سالا 2014ێ دا من بەژداری دئێكەم فلمێ سینەمایدا كر ب ناڤێ(هەچ هەچیك) ژ دەرهێنانا مانۆ خەلیل لێ ل سالا 2016ێ هاتە نمایشكرن،دڤی فلمی دا رۆلێ خوشكا ئەكتەرێ سەرەكی دبینم، كو بابێ مە ژلایێ رژێما سەدام حسێن ڤە یێ هاتیە كوشتن و برایێ من ژی بریارێ د دەت تۆلا بابێ من ڤەكت،گۆتژی فلمێ من یێ داویێ ب ناڤێ(خەونەك بەری مرنێ)یە،هێش د مونتاجێ دایە ل داوییا هەیڤا ٣ دێ ب داوی ئێت،تێدا رۆلێ خێزانا پێشمەرگەیەكی و دەیكا كورەكێ 8 سالی دبینم،ئەڤ فلمە دەربرینێ ژ ژیانا پێشمەرگەی دكت كا چاوا خۆ دكەنە قوربانی بۆ ئاخ و وەلاتێ خۆ،هەروەسا دناڤ جڤاكێ مە دا ب ئێكەم سینەماكارا ئێزدی هاتیمە ناسكرن و پەیاما من بۆ كچێن ئێزدیان ئەوێن حەز ل سەر سینەمایێ هەیین بلا ژ چ نە ترسن و كاربكن،چنكو جڤاكێ مە ئێزدیان یێ پێشكەفتیە و رێزێ ل بیر وبۆچۆنێن ژنێ دگرت و پشتەڤانە و حەژ پێشكەفتنێ دكن”.
سینەماكارێ زێدەتر گۆت:” چ جار دەست ژ كارێ ئەكتەریێ بەرنادەم و دێ بەردەوام بم و دگەل رێكخراوێن جیهانی یێن مرۆڤایەتی كار دكەم و خزمەتا زارۆكێن شنگالێ دكەم،دیسان دەیك و باب و خووشك و برایێن من هاریكاریێن منن و پشتەڤانێن سەرەكینە و سەبارەت كاری خەلكێ مە یێ ئێزدی پشتەڤانێ منە و هەتا نۆكە چ ئاستەنگ بۆ من نەبووینە”.
تُتاح هذه الصورة أيضا في: کوردی