نێچیرڤان بارزانی د گهل بهرپرسێن حكومی یێن پارێزگهها دهۆكێ كۆمبوو
WAAR – دهۆک:
نێچیرڤان بارزانى، سهرۆكێ حكومهتا ههرێما كوردستانێ سهرهدانا پارێزگهها دهۆكێ كر و د گهل پارێزگارێ دهۆكێ و دهڤهردار و رێڤهبهرێن گشتى ل پارێزگههێ كۆمبوو و دهێته چاڤهڕێكرن بارهگههێ ئاڤاهیێ دادگهها دهۆكێ ژى ڤهكهت.
ئهڤرۆ سات نههى سپێدێ، نێچیرڤان بارزانى ب سهرۆكایهتییا شاندهكا حكومهتێ كو ژ كهریم شنگالى، وهزیرێ ناڤخوه، عهلى سندى، وهزیرێ پلان دانانێ، نهورۆز مهولوود، وهزیرا باژێڕڤانى و گهشتیارى و رابهر سهید، بریكارێ وهزارهتا دارایى و سهفین دزهیى، پهیڤدارێ حكومهتا ههرێمێ و دیسان دلشاد شههاب، شیرهتكارێ سهرۆكێ حكومهتێ، پێكهاتینه، د گهل پارێزگارێ دهۆكێ و رێڤهبهرێن گشتى و دهڤهرداران كۆمبوو.
ل گۆرى زانیارییێن وار ههژمارهكا پرسێن گرنگ دهربارهیى قهیرانا دارایى و كۆچبهران و شهڕێ دژى داعشێ و قۆناغا پشتى داعشێ هاتنه گوتوبێژ كرن.
ههر دیسان بهرپرسێن حكومى یێن پارێزگهها دهۆكێ داخوازى و گازندهیێن خهلكێ پارێزگههێ د ههموو وارێن ژیانێ دا دانانه بهر دهستێ سهرۆكێ حكومهتێ.
زانیارییێن وار دیاردكهن؛ تا سوبه ژى نێچیرڤان بارزانى دێ ل دهۆكێ مینیت و پشكدارییێ د ڤهكرنا ههژمارهكا پڕۆژهیان دا ل سنۆرێ پارێزگهها دهۆكێ كهت.
تُتاح هذه الصورة أيضا في: کوردی